En cumprimento do establecido no artigo 48 da Lei 21/2013, do 9 de decembro, de avaliación ambiental, faise público que, de acordo co establecido no artigo 60.1.b) da Lei 7/2012, do 28 de xuño, de montes de Galicia, a Xefatura Territorial da Consellería do Medio Rural de Lugo autorizou, mediante a Resolución do 10 de agosto de 2020, o cambio de actividade de forestal a agrícola da parcela 995 do polígono 10, ZCP 10, do termo municipal da Pontenova.

O proxecto foi sometido previamente a avaliación ambiental simplificada e o informe de impacto ambiental foi formulado con data do 17 de abril de 2020.

Lugo, 21 de agosto de 2020

María Olga Iglesias Fontal
Xefa territorial de Lugo