De conformidade co disposto nos artigos 44 e 46 da Lei 39/2015, do 1 de outubro, do procedemento administrativo común das administracións públicas, ao resultar descoñecido o enderezo dos titulares ou incorrecto, notifícanse ás persoas interesadas que se sinalan no anexo deste anuncio o trámite de audiencia e as resolucións de recoñecemento de dereitos de cobramento efectuados no expediente de expropiación forzosa para a execución da obra da vía de alta capacidade Carballo-Berdoias, clave AC/06/140.01.75 e AC/10/140.01.75, no concello de Coristanco.
As persoas interesadas dispoñen dun prazo de dez (10) días contados desde o día seguinte ao da publicación deste anuncio no Boletín Oficial del Estado, para comparecer nas oficinas da sede do Servizo Provincial da Coruña da AXI, sita na rúa Vicente Ferrer, nº 2, A Coruña, das 9.00 ás 14.00 horas, de luns a venres, para o coñecemento íntegro do trámite de audiencia e resolución de recoñecemento de dereitos de cobramento e constancia de tal coñecemento. A dita comparecencia deberá ser confirmada a través do sistema de cita previa no teléfono 981 18 48 69. Transcorrido o dito prazo de dez (10) días sen se efectuar a comparecencia, a notificación entenderase producida desde o día seguinte ao do vencemento do prazo sinalado para comparecer.
A eficacia do acto queda supeditada á súa publicación no taboleiro de edictos único (TEU) do Boletín Oficial del Estado (BOE), polo que o prazo para presentar o recurso se computará desde esa publicación.
A Coruña, 12 de agosto de 2020
Felipe de la Vega Gándaras
Xefe do Servizo Provincial da Coruña
ANEXO
Clave de obra |
Predio |
Interesado/a |
Acto que se notifica |
AC/06/140.01.75 |
103-A |
Ramón Barca Pardiñas |
Trámite de audiencia |
AC/10/140.01.75 |
103-A-CO |
Ramón Barca Pardiñas |
Trámite de audiencia |
AC/06/140.01.75 |
254 |
Mª Dolores Abelenda Velo |
Resolución de dereitos de cobramento |
AC/06/140.01.75 |
258 |
Jesús Villar Reino |
Resolución de dereitos de cobramento |