A Xunta de Goberno Local, o día 15 de xullo de 2020, acordou:

«Primeiro. Aprobar inicialmente o proxecto de expropiación forzosa, para a obtención do solo de sistema local viario, de tres parcelas, situadas na rúa San Pedro de Visma, 29, 31 e 33, 35 e 37, elaborado polo técnicos municipais do Servizo de Planeamento e Xestión, que afecta as parcelas catastrais 6220611NJ4062S0001XZ, 6220610NJ4062S0001DZ e 6220609NJ4062S0001IZ.

O importe do presente proxecto de expropiación ascende á cantidade de 41.549,18 €, existindo crédito adecuado e suficiente no orzamento municipal de 2020 con cargo á aplicación orzamentaria 30.151.600.05.

Segundo. Optar polo procedemento de taxación conxunta para a tramitación do expediente.

Terceiro. Ordenar a apertura do trámite de información pública polo prazo dun mes, mediante a inserción de anuncios no Diario Oficial de Galicia e nun periódico dos de maior circulación da provincia, así como na sede electrónica municipal, para que, aquelas persoas que poidan resultar interesadas formulen as observacións e reclamacións que consideren oportunas, en particular no relativo á titularidade ou a valoración dos seus respectivos dereitos.

Cuarto. Notificar as taxacións de forma individual a aquelas persoas que consten como titulares de bens e dereitos no expediente, mediante traslado literal das correspondentes follas de valoración e da proposta de fixación dos criterios de valoración, para que poidan formular alegacións no prazo dun mes, contado a partir da data da notificación e requirirlles que acheguen os títulos que os/as acrediten como propietarios/as ou titulares doutros dereitos».

O expediente estará á disposición dos interesados, durante o prazo dun mes, nas dependencias da Área de Urbanismo, Infraestruturas, Vivenda e Mobilidade do Concello da Coruña situadas na praza de Indalecio Prieto, nº 1-3, en horario das 9.00 ás 13.00 horas, previa cita que poderá solicitar por escrito no Rexistro Municipal ou na dirección de correo electrónico registrourbanismo@coruna.es

A Coruña, 29 de xullo de 2020

A alcaldesa
P.D. (Decreto 3846/2019, do 26 xuño; BOP núm. 124, do 3 de xullo)
Juan Manuel Díaz Villoslada
Concelleiro delegado de Urbanismo, Vivenda, Infraestruturas e Mobilidade

ANEXO

Relación de bens e dereitos afectados

Nº	Localización	Referencia catastral	Superficie (m2)	Tipo de afectación
1	R/ San Pedro de Visma, 29-31-33	6220611NJ4062S0001XZ	57,48	Parcial
2	R/ San Pedro de Visma, 35	6220610NJ4062S0001DZ	33,46	Parcial
3	R/ San Pedro de Visma, 37	6220609NJ4062S0001IZ	199,70	Total