O xerente da Área Sanitaria de Vigo, en virtude das competencias atribuídas polo Decreto 134/2019, do 10 de outubro (DOG núm. 204, do 25 de outubro), polo que se regulan as áreas sanitarias e os distritos sanitarios do Servizo Galego de Saúde, e pola Orde do 22 de abril de 2020 (DOG núm. 82, do 29 de abril) sobre delegación de competencias en órganos centrais e periféricos do Servizo Galego de Saúde, resolve anunciar a convocatoria, para vinculación temporal, de cobertura dunha praza de persoal estatutario licenciado especialista de área de Endocrinoloxía e Nutrición.
A citada convocatoria estará exposta nos taboleiros de anuncios das oficinas da Dirección de Recursos Humanos da Área Sanitaria de Vigo e na páxina web do Servizo Galego de Saúde (www.sergas.es).
As solicitudes poderanse presentar nos rexistros da Xerencia da Área Sanitaria de Vigo no prazo de quince días hábiles contados desde o día seguinte ao da data de publicación do anuncio no Diario Oficial de Galicia.
Vigo, 10 de agosto de 2020
Julio García Comesaña
Xerente da Área Sanitaria de Vigo