Para dar cumprimento ao disposto no artigo 44 da Lei 39/2015, do 1 de outubro, do procedemento administrativo común das administracións públicas, segundo o cal a publicación no Boletín Oficial del Estado resulta preceptiva cando os interesados nun procedemento sexan descoñecidos, se ignore o lugar da notificación ou ben, intentada esta, non se puidese efectuar, mediante o presente anuncio infórmase da presentación das follas de valoración da entidade beneficiaria no procedemento expropiatorio sobre os bens e dereitos afectados pola instalación eléctrica denominada liña eléctrica de alta tensión 66 kV Miñón, no concello de Vimianzo (expediente IN408A 2018/15-1), correspondentes aos predios e ás titularidades que se sinalan no cadro anexo que se detalla.
O texto íntegro das referidas follas de valoración atópase ao dispor das persoas interesadas na sede da Xefatura Territorial da Coruña da Consellería de Economía, Emprego e Industria, situada no Edificio Administrativo de Monelos, na rúa Vicente Ferrer, 2, 2º, 15008 A Coruña, na Sección de Expropiacións (teléfono de contacto 981 18 49 11), das 9.00 ás 14.00 horas, de luns a venres. As ditas persoas interesadas disporán dun prazo de dez (10) días, a partir da publicación deste anuncio, para solicitar a remisión das correspondentes valoracións ao enderezo que sinalen.
Unha vez transcorrido o prazo de dez (10) días indicado no parágrafo anterior sen efectuarse a comparecencia, a notificación entenderase producida desde o día seguinte ao vencemento do prazo sinalado para comparecer.
A Coruña, 15 de xullo de 2020
Isidoro Martínez Arca
Xefe territorial da Coruña
ANEXO
Expediente: IN408A 2018/15-1.
Entidade beneficiaria: Greenalia Wind Power Miñón, S.L.U.
Denominación da instalación: liña eléctrica de alta tensión de 66 kV en Miñón.
Concello: Vimianzo.
Predio |
Lugar |
Titularidade proposta |
135 |
Xandras do Río |
Herdeiros de María Josefa Martínez Mourelle |
184 |
Xallas de Abaixo |
Herdeiros de Jesús Rey Pais |