A Xunta de Goberno Local, en sesión con data do 10 de xuño de 2020, aprobou inicialmente o estudo de detalle para reaxuste de aliñación no cuarteirón existente entre a Rúa da Rampa e o paseo marítimo de Camelle, formulado/promovido por Celia Carracedo Tajes e subscrito/redactado polo arquitecto Maximino Manuel Aguiar Baña.

De conformidade co disposto no artigo 80 da Lei 2/2016, do 10 de febreiro, do solo de Galicia, e artigo 194 do Decreto 143/2016, do 22 de setembro, polo que se aproba o regulamento da Lei 2/2016, do 10 de febreiro, do solo de Galicia, sométese o expediente e a documentación do estudo de detalle a información pública, mediante anuncio que se publicará no Diario Oficial de Galicia e no xornal La Voz de Galicia, polo prazo dun mes contado desde o último anuncio, coa finalidade de quen o desexe poida examinalo e deducir durante o citado prazo cantas alegacións ou observacións considere oportunas.

Durante o período de información pública, o dereito de información e acceso poderase exercer mediante consulta no portal de transparencia do Concello (información institucional organizativa e planificación: plans e programas), aloxado na sede electrónica, e nas oficinas xerais do Concello, sitas na casa do concello, praza de Insuela, nº 57 (Camariñas), de luns a venres, das 9.30 ás 13.30 horas.

Camariñas, 8 de xullo de 2020

Sandra Insua Rial
Alcaldesa