Notifícaselle ao interesado, de conformidade co establecido no artigo 44 da Lei 39/2015, do 1 de outubro, do procedemento administrativo común das administracións públicas, a resolución do expediente sancionador que a seguir se relaciona no anexo, ao seren devoltas polo servizo de Correos as notificacións enviadas no seu día.
Contra a resolución do expediente de referencia, que non pon fin á vía administrativa, a persoa interesada poderá interpor recurso de alzada ante a Secretaría Xeral de Emprego da Consellería de Economía, Emprego e Industria (San Lázaro, s/n, 15781 Santiago de Compostela), a partir do día seguinte ao da súa notificación, de conformidade co disposto nos artigos 121 e 122 da Lei 39/2015, do 1 de outubro, e no artigo 23 do R.D. 928/1998, do 14 de maio (BOE do 3 de xuño), do Regulamento xeral sobre o procedemento para a imposición de sancións por infraccións na orde social. O recurso interporase ante o órgano que ditou o acto ou ante o competente para resolvelo.
Unha vez transcorrido o prazo de interposición do recurso sen que este se presente, esta resolución será firme para todos os efectos.
Para o coñecemento do texto íntegro do acto que se notifica, o interesado poderá comparecer, no prazo máximo de 10 días hábiles, contados desde o seguinte ao da publicación deste anuncio, ante o Servizo de Emprego e Economía Social desta xefatura territorial, sita na avda. da Habana, 79-7º de Ourense.
Ourense, 9 de xullo de 2020
Santiago Álvarez González
Xefe territorial de Ourense
ANEXO
Nº expte. |
Nº acta de infracción |
NIF/CIF |
Último domicilio coñecido |
Data da resolución |
Importe da sanción |
21/2020 |
I322020000000894 |
B32448730 |
R/ Tomás María Mosquera, 52, 32500 O Carballiño (Ourense) |
19.6.2020 |
626 € |