De conformidade co previsto no artigo 8.4 da Lei 16/2010, do 17 de decembro, de organización e funcionamento da Administración xeral e do sector público autonómico de Galicia, dáse publicidade a un encargo de xestión, para o exercicio 2020, da Fundación Cidade da Cultura de Galicia á empresa pública Empresa Pública de Servizos Agrarios Galegos, S.A. (Seaga), coas seguintes características:
Actividade: traballos de reparación dos asentamentos por escoamentos de choiva no noiro leste do Parque do Lago, no Bosque de Galicia da Cidade da Cultura de Galicia.
Natureza e alcance da xestión: este encargo ten natureza intrasubxectiva, ao ter Seaga a consideración de medio propio da Administración da Comunidade Autónoma de Galicia, segundo o disposto nos artigos 47 e 48 da Lei 16/2010, do 17 de decembro, de organización e funcionamento da Administración xeral e do sector público autonómico de Galicia.
Prazo de vixencia: o prazo de execución será de cinco (5) semanas.
Santiago de Compostela, 25 de xuño de 2020
Ana Isabel Vázquez Reboredo
Directora xerente da Fundación Cidade da Cultura de Galicia