Visto o expediente instruído para os efectos de transmisión da batea G.M. I e da concesión administrativa que a ampara, resulta:
a) Antecedentes:
Primeiro. O 5 de marzo de 2020, María Gema Sánchez Torrado, Francisco Javier Mariño Sánchez, María Genma Mariño Sánchez e María Jesús Mariño Sánchez solicitaron autorización para transmisión da concesión administrativa e da batea G.M. I.
Segundo. O informe da Dirección Xeral de Pesca, Acuicultura e Innovación Tecnolóxica sobre a tramitación do expediente é favorable.
b) Consideración legais e técnicas:
Primeira. Este órgano é competente para resolver o expediente, consonte a Lei 11/2008, do 3 de decembro, de pesca de Galicia (DOG núm. 243, do 16 de decembro), modificada pola Lei 6/2009, do 11 de decembro (DOG núm. 243, do 15 de decembro), e coa Orde do 8 de setembro de 2017, de delegación de competencias na Secretaría Xeral Técnica da Consellería do Mar, nas direccións xerais e xefaturas territoriais e na Presidencia do Consello de Administración do ente público Portos de Galicia.
Segunda. O expediente seguiu todos os trámites establecidos na Lei 39/2015, do 1 de outubro, do procedemento administrativo común das administracións públicas (BOE número 236, do 2 de outubro), coas especialidades previstas no Decreto 406/1996, do 7 de novembro, polo que se aproba o Regulamento de viveiros de cultivos mariños nas augas de Galicia (DOG núm. 228, do 21 de novembro), e na Orde de 15 de xuño de 1999 pola que se regula o procedemento para a transmisión da titularidade das concesións das bateas de cultivos mariños nas augas de Galicia (DOG núm. 126, do 2 de xullo).
Por todo o anterior,
RESOLVO:
Autorizar a transmisión inter vivos, a favor de Carlos Castro Mosquera (***8438**) e Manuela Piñeiro Romero (***8431**) da concesión administrativa e da batea que se indica a continuación:
Identificación
Tipo: batea.
Nome: G.M. I.
Localización:
Cuadrícula nº: 107.
Polígono: H.
Distrito: Caramiñal (A Coruña).
Especie autorizada: mexillón (Mytilus galloprovincialis).
Título habilitante: concesión de actividade.
Orde de outorgamento: 4.6.1974.
Remate da vixencia: 15.12.2029.
Actuais titulares: María Gema Sánchez Torrado (***9382**), Francisco Javier Mariño Sánchez (***3910**), María Genma Mariño Sánchez (***6818**) e María Jesús Mariño Sánchez (***3469**).
Novos titulares: Carlos Castro Mosquera (***8438**), Manuela Piñeiro Romero (*** 8431**).
Baixo as seguintes condicións:
Primeira. Os actuais titulares deberá presentar, no prazo máximo dun mes contado desde o día seguinte ao da publicación da presente resolución no Diario Oficial de Galicia, orixinal ou fotocopia cotexada da seguinte documentación:
a) Documento notarial da transmisión ou doazón.
b) Solicitude ou carta de pagamento do imposto de transmisións patrimoniais ou documento de sucesións.
Segunda. Transcorrido o prazo indicado na condición primeira sen ter achegado a documentación requirida, a autorización quedará sen efecto, logo de comunicación por parte da consellería.
Terceira. Os novos titulares da concesión quedan subrogados nos dereitos e obrigas dos anteriores, desde o momento de formalización da compravenda en escritura pública.
Contra a presente resolución, que esgota a vía administrativa, poderase interpoñer recurso potestativo de reposición, no prazo dun mes, ante a conselleira do Mar ou recurso contencioso-administrativo, ante a xurisdición contencioso-administrativa, que se interporá no prazo de dous meses, de conformidade co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, e no artigo 46.1 da Lei 29/1998, do 13 de xullo, reguladora da xurisdición contencioso-administrativa.
Este prazo comezará a contar desde o 1 de xuño de 2020, data en que se restablece o cómputo dos prazos administrativos suspendidos de acordo co disposto no artigo 9 do Real decreto 537/2020, do 22 de maio, polo que se prorroga o estado de alarma declarado polo Real decreto 463/2020, do 14 de marzo, polo que se declara o estado de alarma para a xestión da situación de crise sanitaria ocasionada polo COVID-19.
A Coruña, 19 de xuño de 2020
A conselleira do Mar
P.D. (Orde do 8.9.2017)
Juan Carlos Barreiro González
Xefe territorial da Coruña