Por Resolución da Alcaldía núm. 332/2020, do 16 de abril, aprobouse inicialmente o documento do estudo de detalle para definir as aliñacións nas Barcias, O Seixo, Mugardos, promovido polo Concello de Mugardos, documento de data setembro de 2019, redactado polos arquitectos Julio Barallobre Sanmartín e Pedro Garrido Sánchez.

O que se fai público en cumprimento do disposto no artigo 80.2 da Lei 2/2016, do 10 de febreiro, do solo de Galicia, para os efectos de que durante o prazo dun (1) mes, contado a partir da publicación do presente anuncio no DOG poidan formular as reclamacións e alegacións que se consideren pertinentes.

Suspensión de licenzas.

Por Resolución da Alcaldía núm. 332/2020, do 16 de abril, acordouse a suspensión de licenzas de parcelación de terreos, edificación e demolición para as áreas determinadas no devandito estudo de detalle. O que se fai público en cumprimento do artigo 47 da Lei 2/2016, do 10 de febreiro, do solo de Galicia.

Mugardos, 17 de abril de 2020

Juan Domingo de Deus Fonticoba
Alcalde