A Secretaría Xeral Técnica recibiu un oficio da Sala do Contencioso-Administrativo do Tribunal Superior de Xustiza de Galicia (Sección Segunda) polo que se solicita o expediente administrativo relativo ao recurso contencioso-administrativo 4035/2020, interposto pola Organización de Productores de Mejillón de Galicia (Opmega), Asociación de Mejilloneros Gallegos (Amegal), Asociación de Mexilloeiros da Illa de Arousa, Femex Federación de Asociacións de Mexilloeiros e Amegrove, Sociedade Cooperativa Limitada, contra o Decreto 153/2029, do 21 de novembro, polo que se regula o réxime de conservación e explotación dos recursos marisqueiros e das algas.
En consecuencia, acórdase, de conformidade co disposto no artigo 49 da Lei 29/1998, do 13 de xullo, reguladora da xurisdición contencioso-administrativa, a remisión do correspondente expediente administrativo, o que se notifica para xeral coñecemento de todas as persoas interesadas para que poidan comparecer como parte nos autos ante a referida sala, no prazo de nove días contado desde o seguinte ao da publicación desta resolución no Diario Oficial de Galicia.
Santiago de Compostela, 22 de maio de 2020
María Isabel Concheiro Rodríguez-Segade
Secretaria xeral técnica da Consellería do Mar