O Pleno do Concello, na sesión do 14 de maio de 2020, adoptou, entre outros, o seguinte acordo:

Primeiro. Cambiar o uso de equipamento docente de titularidade privada ED (Pv) previsto no documento do Plan xeral de ordenación municipal do Concello da Coruña para a parcela sita no lugar Castaño de Eirís, 1D, coa referencia catastral 9291703NJ4999S0001JD, titularidade da Comunidade Autónoma de Galicia, polo uso de benestar social e asistencial público AS (Pb), reflectido no plano de ordenación que se xunta a este acordo.

Segundo. Publicar este acordo no Diario Oficial de Galicia, remitilo á Consellería de Medio Ambiente, Territorio e Vivenda da Xunta de Galicia para súa inscrición no Rexistro de Planeamento Urbanístico de Galicia e publicalo no Boletín Oficial da provincia.

Terceiro. Notificar o acordo ás áreas e departamentos municipais interesados na súa aplicación.

O contido íntegro do cambio de uso aprobado pódese consultar nas dependencias municipais de Urbanismo, no enderezo electrónico https://www.coruna.gal/urbanismo na epígrafe Planeamiento/planeamiento vigente, ou ben, desde a mesma web, a través do Visor Estado Desarrollo PXOM 2013.

Contra esta disposición administrativa de carácter xeral pódese interpoñer directamente recurso contencioso-administrativo, perante a sala correspondente do Tribunal Superior de Xustiza de Galicia (artigo 84.1 da Lei 2/2016, do 10 de febreiro, do solo de Galicia e artigo 201.1 do seu regulamento), no prazo de dous meses que se contarán a partir do día seguinte ao da publicación deste anuncio, de conformidade co artigo 46 da Lei 29/1998, do 13 de xullo, reguladora da xurisdición contencioso-administrativa.

A Coruña, 20 de maio de 2020

A alcaldesa
P.D. (Decreto 3829, do 17.6.2019)
Juan Manuel Díaz Villoslada
Concelleiro delegado de Urbanismo, Vivenda, Infraestruturas e Mobilidade