Visto o expediente instruído para efectos da transmisión mortis causa e sucesivamente mortis causa mediante pacto de mellora das bateas G.M. II e Castillo I e das concesións administrativas que as amparan, resulta:
a) Antecedentes:
Primeiro. O 30 de outubro de 2019, Mª Ángeles Rodríguez Ríos solicitou autorización para a transmisión mortis causa e sucesivamente mortis causa, mediante pacto de mellora, das concesións administrativas e das bateas G.M. II e Castillo I.
Segundo. A solicitante presenta toda a documentación requirida para a tramitación deste tipo de procedementos.
Terceiro. Os informes do Servizo de Protección dos Recursos sobre as características da batea e da Dirección Xeral de Pesca, Acuicultura e Innovación Tecnolóxica sobre a tramitación do expediente son favorables.
b) Consideracións legais e técnicas:
Primeira. Este órgano é competente para resolver o expediente consonte a Lei 11/2008, do 3 de decembro, de pesca de Galicia (DOG número 243, do 16 de decembro), modificada pola Lei 6/2009, do 11 de decembro (DOG número 243, do 15 de decembro), e a Orde do 8 de setembro de 2017 de delegación de competencias na Secretaría Xeral Técnica da Consellería do Mar, nas direccións xerais e xefaturas territoriais e na Presidencia do Consello de Administración do ente público Portos de Galicia.
Segunda. A Lei 2/2006, do 14 xuño, de dereito civil de Galicia (DOG número 124, do 29 de xuño), no seu artigo 209 e seguintes, regula os pactos sucesorios como negocios mortis causa, e coa forma de pactos de apartación ou pactos de mellora.
Terceira. O expediente seguiu todos os trámites establecidos na Lei 39/2015, do 1 de outubro, do procedemento administrativo común das administracións públicas (BOE número 236, do 2 de outubro), coas especialidades previstas no Decreto 406/1996, do 7 de novembro, polo que se aproba o Regulamento de viveiros de cultivos mariños nas augas de Galicia (DOG número 228, do 21 de novembro), e na Orde do 15 de xuño de 1999 pola que se regula o procedemento para a transmisión da titularidade das concesións das bateas de cultivos mariños nas augas de Galicia (DOG número 126, do 2 de xullo).
Vistas as disposicións citadas, esta consellería resolve:
Autorizar a transmisión mortis causa e sucesivamente mortis causa, mediante pacto de mellora, a favor de Mª del Pilar Alonso Rodríguez, das concesións administrativas e das bateas que se indican a continuación:
Identificación:
Tipo: batea.
Nome: G.M. II.
Localización:
Cuadrícula nº: 14.
Polígono: B.
Distrito: Caramiñal (A Coruña).
Especie autorizada: mexillón (Mytilus Galloprovincialis).
Título habilitante: concesión administrativa.
Orde de outorgamento: 5.11.1976.
Remate da vixencia: 15.12.2029.
Actuais titulares: Manuel Alonso Castillo (***9104**), Mª Ángeles Rodríguez Ríos (***9104**), Juan Manuel López Durán (***2175**) e Mª del Pilar Alonso Rodríguez (***1638**).
Novos titulares: Juan Manuel López Durán (***2175**) e Mª del Pilar Alonso Rodríguez (***1638**).
Identificación:
Tipo: batea.
Nome: Castillo I.
Localización:
Cuadrícula nº: 41.
Polígono: B.
Distrito: Caramiñal (A Coruña).
Especie autorizada: mexillón (Mytilus Galloprovincialis).
Título habilitante: concesión administrativa.
Orde de outorgamento: 21.10.1975.
Remate da vixencia: 15.12.2029.
Actuais titulares: Manuel Alonso Castillo (***9104**) e Mª Ángeles Rodríguez Ríos (***9104**).
Nova titular: Mª del Pilar Alonso Rodríguez (***1638**).
Os novos titulares das concesións administrativas quedan subrogados nos dereitos e nas obrigas dos anteriores titulares.
Contra esta resolución, que esgota a vía administrativa, poderase interpoñer recurso potestativo de reposición no prazo dun mes, ante a conselleira do Mar, ou recurso contencioso-administrativo, ante a xurisdición contencioso-administrativa, que se interporá no prazo de dous meses de conformidade co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, e no artigo 46.1 da Lei 29/1998, do 13 de xullo, reguladora da xurisdición contencioso-administrativa. Este prazo comezará a contar desde o día seguinte a aquel en que perda vixencia o Real decreto 463/2020, do 14 de marzo, polo que se declara o estado de alarma para a xestión da situación da crise sanitaria ocasionada polo COVID-19, e, de ser o caso, as súas prórrogas, contados en ambos os casos desde o día seguinte ao da súa publicación.
A Coruña, 21 de abril de 2020
A conselleira do Mar
P.D. (Orde do 8.9.2017)
O xefe territorial da Coruña
Por delegación de funcións por Resolución do 6.11.2019
María José Cancelo Baquero
Xefa de Servizo de Recursos Mariños
