No Diario Oficial de Galicia núm. 154, do 14 de agosto de 2019, publicouse a Resolución do 2 de agosto de 2019 pola que se lle dá publicidade ao acordo do Consello de Dirección do Igape que aproba as bases reguladoras das axudas para a contratación de xestores de internacionalización, cofinanciadas polo Fondo Social Europeo no marco do programa operativo FSE Galicia 2014-2020, e se procede á súa convocatoria en réxime de concorrencia non competitiva.
No punto terceiro do resolvo establécense os créditos dispoñibles e as aplicacións orzamentarias para as empresas e para os organismos empresariais, polos seguintes importes e distribución plurianual:
|
Empresas |
Código de proxecto |
Partida orzamentaria |
Ano 2019 |
Ano 2020 |
Total |
|
Convocatoria 2019 |
2016 00018 |
09.01.741A.4705 |
280.000 |
320.000 |
600.000 |
|
Organismos empresariais |
Código de proxecto |
Partida orzamentaria |
Ano 2019 |
Ano 2020 |
Total |
|
Convocatoria 2019 |
2016 00018 |
09.01.741A.4814 |
150.000 |
250.000 |
400.000 |
No mesmo punto establécese que o director xeral do Igape poderá ampliar o crédito, logo de declaración de dispoñibilidade dos créditos e logo de informe favorable da modificación orzamentaria por parte do organismo intermedio do programa operativo FSE Galicia 2014-2020 (actualmente, a Dirección Xeral de Política Financeira, Tesouro e Fondos Europeos), nos supostos e termos referidos no artigo 30.2 do Decreto 11/2009, mediante resolución publicada para o efecto no Diario Oficial de Galicia.
Tendo en conta que o crédito necesario para atender as solicitudes pendentes de resolver e con informe favorable para empresas precisan un incremento de crédito de 146.456,75 € e que o remanente de crédito da partida para organismos empresariais ascende a 349.234,13 € procede realizar un reaxuste entre ambas as partidas.
Na súa virtude e de conformidade coas facultades que teño conferidas,
RESOLVO:
Artigo 1
Modificar os créditos do ano 2020 das axudas para a contratación de xestores de internacionalización, cofinanciadas polo Fondo Social Europeo no marco do programa operativo FSE Galicia 2014-2020, e se procede á súa convocatoria en réxime de concorrencia non competitiva (DOG núm. 154, do 14 de agosto de 2019), quedando do seguinte xeito:
|
Empresas |
Código de proxecto |
Partida orzamentaria |
Ano 2019 |
Ano 2020 |
Total |
|
Convocatoria 2019 |
2016 00018 |
09.01.741A.4705 |
280.000 |
466.456,75 |
746.456,75 € |
|
Organismos empresariais |
Código de proxecto |
Partida orzamentaria |
Ano 2019 |
Ano 2020 |
Total |
|
Convocatoria 2019 |
2016 00018 |
09.01.741A.4814 |
150.000 |
103.543,25 |
253.543,25 € |
Artigo 2
Esta resolución entrará en vigor o mesmo día da súa publicación no Diario Oficial de Galicia.
Santiago de Compostela, 14 de maio de 2020
Juan Manuel Cividanes Roger
Director xeral do Instituto Galego de Promoción Económica
