O Pleno da corporación municipal, en sesión ordinaria que tivo lugar o 12 de marzo de 2020, acordou aprobar inicialmente a modificación puntual número 4 do Plan xeral de ordenación municipal de Coirós consistente na modificación das aliñacións nas estradas provinciais nos núcleos rurais e outras alteracións no sistema viario, segundo a documentación redactada polos arquitectos Alfredo Garrote Pazos e Mónica Mesejo Conde, colexiados 1440 e 1475 do COAG, respectivamente.
O que se somete a información pública polo prazo de dous meses, en cumprimento dos artigos 83.5 e 60 da Lei 2/2016, do 10 de febreiro, do solo de Galicia, e 200.5 e 144 do Regulamento da Lei do solo de Galicia.
O documento técnico e os trámites contidos no expediente poderán consultarse na oficina técnica municipal das 10.00 ás 14.00 horas e na web do concello.
Coirós, 24 de marzo de 2020
Francisco Quintela Requeijo
Alcalde