Antecedentes:
Pola Resolución do director da Axencia Galega de Infraestruturas do 20 de marzo de 2020 emitiuse unha resolución de aprobación provisional do proxecto de construción para alargamento e mellora da LU-114 na contorna do p.q. 1+100, de clave LU/19/160.10.
O obxecto do proxecto é levar a cabo as obras de alargamento e mellora da estrada LU-114 na contorna do p.q. 1+100. Neste punto existe a necesidade de homoxeneizar a largura da vía corrixindo un estreitamento. Para solucionar isto, expropiarase parte deste predio e das instalacións existentes nel, actualmente en desuso, para levar a cabo a ampliación da plataforma e albergar un carril de circulación, unha beirarrúa de 1,75 metros de largo na marxe dereita que dea continuidade ao itinerario peonil e unha banda de aparcamento de 2,5 metros de largo.
RESOLVO:
Primeiro. De acordo co establecido no artigo 21.1 da Lei 8/2013, do 28 de xuño, de estradas de Galicia, e no artigo 50 do Decreto 66/2016, do 26 de maio, polo que se aproba o Regulamento xeral de estradas de Galicia, o mencionado proxecto de construción sométese ao trámite de información pública para que as persoas que o consideren oportuno poidan formular por escrito, ante a Axencia Galega de Infraestruturas, as observacións que crean convenientes relativas á concepción global do trazado deseñado.
Segundo. Que, simultaneamente ao trámite sinalado no parágrafo anterior, e para os efectos previstos no artigo 56.1 do Decreto do 26 de abril de 1957, polo que se aproba o Regulamento de expropiación forzosa, sométese a información pública a relación individual de bens, dereitos e propietarios afectados pola realización da obra correspondente, para que os afectados presenten cantas alegacións ou rectificacións consideren convenientes en canto aos bens e dereitos descritos na relación anexa.
Terceiro. A exposición ao público, para os efectos da presente resolución, realízase durante un período de trinta (30) días hábiles, na Axencia Galega de Infraestruturas (San Caetano, s/n, 15781 Santiago de Compostela), no Servizo de Infraestruturas de Lugo (rolda da Muralla, 70, 27071 Lugo), e na Casa do Concello de Lugo (Praza Maior, 1, 27001 Lugo). Así mesmo, na páxina web da Consellería de Infraestruturas e Mobilidade
(https://infraestruturasemobilidade.xunta.gal/organizacion/c/CIV_Axencia_Galega_de_
Infraestruturas) atópase á disposición dos interesados o documento completo do proxecto de construción.
O cómputo do prazo iniciarase no momento en que perda vixencia o Real decreto 463/2020, do 14 de marzo, polo que se declara o estado de alarma para a xestión da situación de crise sanitaria ocasionada polo COVID-19 (BOE núm. 67, do 14 de marzo de 2020) ou, de ser o caso, as súas prórrogas.
Para o suposto de ser un suxeito obrigado a relacionarse a través de medios electrónicos coas administracións públicas ou de optar por este medio, as comunicacións deberán realizarse presentando o formulario do procedemento Presentación electrónica de solicitudes, escritos e comunicacións que non dispoñan dun sistema electrónico específico nin dun modelo electrónico normalizado, con código de procedemento PR004A, dispoñible na sede electrónica da Xunta de Galicia (https://sede.xunta.gal/detalle-procedemento?codtram=PR004A). Neste caso, deberá escollerse como destinatario do formulario a Consellería de Infraestruturas e Mobilidade e, dentro desta, a Axencia Galega de Infraestruturas.
Na medida en que os documentos de propostas, observacións e/ou suxestións presentadas conteñan datos de carácter persoal, a súa entrega implicará, de conformidade coa lexislación de protección de datos, o consentimento da súa publicación no marco deste proceso participativo. O tratamento dos datos persoais aterase ao disposto na Lei orgánica 3/2018, do 5 de decembro, de protección de datos persoais e garantía dos dereitos dixitais, e quen participe neste proceso poderá exercer o dereito de acceso, rectificación, cancelación e oposición cubrindo a debida solicitude dirixida á Axencia Galega de Infraestruturas.
Calquera dúbida sobre o proceso pode dirixirse ao correo electrónico:
infraestruturas.cim@xunta.gal.
Santiago de Compostela, 30 de marzo de 2020
Francisco Menéndez Iglesias
Director da Axencia Galega de Infraestruturas
ANEXO
Relación de bens, dereitos e propietarios afectados
Proxecto de construción para alargamento e mellora da LU-114 na contorna do p.q. 1+100, de clave LU/19/160.10.
Concello de Lugo (lugar: Gándara)
Nº de orde |
Polígono |
Parcela |
Referencia catastral |
Propietario |
NIF/CIF |
Situación básica do solo |
Uso |
Superficie afectada (m2) |
Superficie total (m2) |
Bens afectados |
1 |
002302900PH16F |
Mármoles López, C.B. |
E27042084 |
Rural |
Industrial |
53,00 |
137 |
1 pozo de barrena. Edificación grande 45,8 m2 |
||
2 |
90 |
254 |
27900A09000254 |
Veiga González, Enrique |
----- |
Rural |
Agrario |
27,00 |
116 |
Edificación pequena 7,5 m2 |