Eu, María Teresa Vázquez Abades, letrada da Administración de xustiza do Xulgado do Social número 1 de Santiago de Compostela, fago saber que no procedemento de execución de títulos xudiciais 202/2019 deste xulgado do social, seguido por instancia de Águeda Romero Rodríguez contra Adolfo Fragoso Gómez y Otros, S.C., Juan Manuel Fragoso Gómez, Adolfo Fragoso Gómez e o Fogasa, ditouse a seguinte resolución cuxa parte dispositiva é do teor literal seguinte:

«Auto.

Santiago de Compostela, 20 de febreiro de 2020.

María Mercedes Pena Moreira, xuíza substituta do Xulgado do Social número 1 de Santiago de Compostela, vistos os presentes autos de execución títulos xudiciais número 202/2019 instados por Águeda Romero Rodríguez que compareceu ao acto da vista asistida do letrado Xavier Castro Martínez, constando como parte executado Adolfo Fragoso Gómez y Otros, S.C., Juan Manuel Fragoso Gómez, Adolfo Fragoso Gómez e o Fogasa, que non compareceron a pesar de constaren debidamente citados.

Parte dispositiva.

Debo declarar e declaro extinguida na data da presente resolución a relación laboral que unía a Águeda Romero Rodríguez con Adolfo Fragoso Gómez e Otros, S.C. e condeno a Adolfo Fragoso Gómez y Otros, S.C. a aboarlle a Águeda Romero Rodríguez a suma de 35.848,99 euros en concepto de indemnización pola extinción da relación laboral e a suma de 37.766,18 euros en concepto de salarios de tramitación, con responsabilidade subsidiaria mancomunada de Juan Manuel Fragoso Gómez e de Adolfo Fragoso Gómez.

Notifíquese ás partes e ao Fogasa a presente resolución, facéndolles saber que contra esta poden interpoñer recurso de reposición no prazo de tres días contados desde o seguinte ao da súa notificación.

Así o acordo, mando e asino, María Mercedes Pena Moreira, xuíz substituta do Xulgado do Social número 1 de Santiago de Compostela.

A maxistrada xuíza

A letrada da Administración de xustiza».

E para que sirva de notificación en legal forma a Adolfo Fragoso Gómez, en ignorado paradoiro, expido este edicto para a súa inserción no Diario Oficial de Galicia.

Santiago de Compostela, 21 de febreiro de 2020

A letrada da Administración de xustiza