A Corporación Municipal en Pleno do Concello de Sanxenxo, na sesión extraordinaria que tivo lugar o día 17 de xaneiro de 2020, en relación ao expediente nº U-085/17, promovido polo Instituto Calasancio Hijas de la Divina Pastora para a aprobación dun Plan especial de infraestruturas e dotacións para equipamento e dotación privada no lugar de Dorrón, Sanxenxo, adoptou por unanimidade dos membros de dereito da Corporación o acordo cuxa parte dispositiva se transcribe:
«Primeiro. Aprobar definitivamente o Plan especial de infraestruturas e dotacións para equipamento e dotación privada no lugar de Dorrón, no termo municipal de Sanxenxo.
Segundo. Publicar no Diario Oficial de Galicia o acordo de aprobación definitiva do plan especial.
Terceiro. Publicar no Boletín Oficial da provincia de Pontevedra a normativa e as ordenanzas do plan especial.
Cuarto. Notificar individualmente o presente acordo ás persoas titulares catastrais dos terreos afectados.
Quinto. Remitir o documento do Plan especial de infraestruturas e dotacións para equipamento e dotación privada no lugar de Dorrón, definitivamente aprobado, ao Rexistro de Planeamento Urbanístico de Galicia».
Sanxenxo, 29 de xaneiro de 2020
Telmo Martín González
Alcalde presidente