O Concello de Vilanova de Arousa está iniciando a tramitación da modificación puntual nº 24 das normas subsidiarias do planeamento municipal para a redelimitación do núcleo rural da Torre.

De conformidade co disposto nos artigos 78.2.a) da Lei 2/2016, do 16 de febreiro, do solo de Galicia, e 191.1.a) do Decreto 143/2016, do 22 de setembro, que aproba o Regulamento da Lei do solo, sométese o documento á información pública durante un prazo de dous (2) meses contados desde o día seguinte ao da publicación do presente anuncio no Diario Oficial de Galicia e nos xornais de maior difusión da provincia de Pontevedra.

O expediente poderá ser consultado na Área de Urbanismo do concello, sita na Casa do Concello, 3ª planta (praza do Concello, núm. 1), de luns a venres, agás festivos, das 9.00 ás 13.00 horas, e na sede electrónica do Concello de Vilanova de Arousa na epígrafe do taboleiro de anuncios.

Vilanova de Arousa, 3 de marzo de 2020

Gonzalo Durán Hermida
Alcalde