Expediente-e: IN407A 2019/249-1.

Solicitante: UFD Distribución Electricidad, S.A.

Denominación: substitución do CTC. Porto de Bares (15CV91) por CTI., no lugar de Porto de Bares.

Concello: Mañón.

Características técnicas:

– Retensado de liña eléctrica de media tensión aérea a 20 kV cunha lonxitude de 107 m, coa orixe no apoio nº 189-33-5 existente da LMT MEA809, no treito da derivada ao CT Porto de Bares que se vai substituír, condutor tipo LA-56 mm2 Al e remate no apoio nº 189-33-6 proxectado da LMT MEA809, no treito da derivada ao CT Porto de Bares que se vai substituír.

– Novo centro de transformación intemperie Porto de Bares, cunha potencia de 160 kVA e unha relación de transformación de 20.000/400 V.

– Demolición da caseta de obra civil do existente CT. Porto de Bares e a desmontaxe de todos os elementos existentes no interior desta.

Lexislación de aplicación:

1. Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro).

2. Lei 40/2015, do 1 de outubro, do réxime xurídico do sector público (BOE núm. 236, do 2 de outubro).

3. Lei 24/2013, do 26 de decembro, do sector eléctrico (BOE núm. 310, do 27 de decembro).

4. Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica (BOE núm. 310, do 27 de decembro).

5. Resolución do 19 de febreiro de 2014 pola que se aproba o procedemento de autorización administrativa de construción, de acordo co previsto na Lei 24/2013, do 26 de decembro, do sector eléctrico (DOG núm. 54, do 19 de marzo).

6. Lei do 16 de decembro de 1954, sobre expropiación forzosa (BOE núm. 351, do 17 de decembro).

7. Decreto do 26 de abril de 1957 polo que se aproba o Regulamento da Lei de expropiación forzosa (BOE núm. 160, do 20 de xuño).

A relación concreta e individualizada dos bens e dereitos afectados que se considera de necesaria expropiación figura no anexo que se xunta con este acordo.

A declaración de utilidade pública, segundo o artigo 56 da Lei 24/2013, do sector eléctrico, levará implícita, en todo caso, a necesidade de ocupación dos bens ou de adquisición dos dereitos afectados e implicará a urxente ocupación, para os efectos do artigo 52 da Lei de expropiación forzosa.

Todas aquelas persoas ou entidades que se consideren afectadas poderán examinar o expediente e presentar alegacións no Servizo de Enerxía e Minas da Xefatura Territorial de Economía, Emprego e Industria, sita na rúa Vicente Ferrer, núm. 2, 2º andar, 15071 A Coruña, no prazo de vinte días a partir do día seguinte ao da última publicación deste acordo.

Así mesmo, para dar cumprimento ao disposto no artigo 44 da Lei 39/2015, do 1 de outubro, cando as persoas propietarias ou titulares de dereitos sobre predios afectados sexan descoñecidos, se ignore o lugar de notificación ou ben, intentada esta, non se puidese practicar, a notificación farase por medio dun anuncio publicado no Boletín Oficial del Estado.

A Coruña, 18 de febreiro de 2020

Isidoro Martínez Arca
Xefe territorial da Coruña

ANEXO

Expediente-e: IN407A 2019/249-1.

Solicitante: UFD Distribución Electricidad, S.A.

Denominación: substitución do CTC Porto de Bares (15CV91) por CTI, no lugar de Porto de Bares.

Concello: Mañón.

Relación de propietarias/os, bens e dereitos afectados

Número de predio: 1.

Paraxe: Encima do Porto.

Cultivo: monte baixo.

Propietaria/o: descoñecida/o.

Afección de solo en pleno dominio:

• Apoio núm.: 1.

• M2: 9.0.