De conformidade co establecido no Decreto 206/2005, do 22 de xullo (DOG nº 145, do 29 de xullo), de provisión de prazas de persoal estatutario do Servizo Galego de Saúde, e na Orde de 24 de maio de 2006 (DOG nº 106, do 5 de xuño), pola que se establecen as bases do procedemento para a provisión dos postos de xefatura e coordinación das institucións sanitarias do Servizo Galego de Saúde; e en virtude das competencias atribuídas polo Decreto 134/2019, do 10 de outubro (DOG nº 204, do 25 de outubro), polo que se regulan as áreas sanitarias e os distritos sanitarios do Sistema público de saúde de Galicia, o Decreto 137/2019, do 10 de outubro (DOG nº 208, do 31 de outubro), polo que se establece a estrutura orgánica do Servizo Galego de Saúde e a Orde do 5 de xullo de 2012 (DOG nº 139, do 20 de xullo), sobre delegación de competencias en órganos centrais e periféricos do Servizo Galego de Saúde, logo de autorización da Dirección de Recursos Humanos do Servizo Galego de Saúde, e logo de comunicación á Comisión de Centro,
DISPÓN:
Anunciar a convocatoria para cubrir, polo procedemento de libre designación, dos postos vacantes de xefatura de persoal de xestión e servizos que se relacionan no anexo desta resolución.
As bases íntegras da citada convocatoria estarán expostas nos taboleiros de anuncios da Xerencia da Área Sanitaria de Ourense, Verín e O Barco de Valdeorras e na páxina web do Sergas (www.sergas.es).
As solicitudes e a documentación anexa deberán presentarse nas unidades de rexistro dos centros integrantes da Xerencia da Área Sanitaria de Ourense, Verín e O Barco de Valdeorras, no prazo de 15 días hábiles contados desde o seguinte á data da publicación do anuncio da presente convocatoria no Diario Oficial de Galicia.
Así mesmo, poderán presentarse a través de calquera dos rexistros previstos no artigo 16.4 da Lei 39/2015, do 1 de outubro, do procedemento administrativo común das administracións públicas.
Ourense, 28 de febreiro de 2020
Félix Rubial Bernárdez
Xerente de Área Sanitaria de Ourense, Verín e O Barco de Valdeorras
ANEXO
A) Denominación do posto: xefe/a de servizo de Asesoría Xurídica.
Número vacantes: 1.
B) Denominación do posto: xefe/a de servizo de Carreira Profesional e Expediente Electrónico.
Número vacantes: 1.
C) Denominación do posto: xefe/a de servizo de Selección e Provisión de Persoal.
Número vacantes: 1.
D) Denominación do posto: xefe/a de servizo de Xestión de Persoal, Retribucións e Control Orzamentario.
Número vacantes: 1.