DOG 45 do 6/03/2020 - ANUNCIO do 3 de marzo de 2020, da Dirección Xeral de Calidade Ambiental e Cambio Climático, polo que se fai público o informe de impacto ambiental do proxecto de modificación nas instalacións da planta de elaboración de fariñas e aceites de peixe, no concello de Redondela (clave do expediente 2018/0247).

VI. Anuncios

a) Administración autonómica

Consellería de Medio Ambiente, Territorio e Vivenda

ANUNCIO do 3 de marzo de 2020, da Dirección Xeral de Calidade Ambiental e Cambio Climático, polo que se fai público o informe de impacto ambiental do proxecto de modificación nas instalacións da planta de elaboración de fariñas e aceites de peixe, no concello de Redondela (clave do expediente 2018/0247).

De conformidade co artigo 47 da Lei 21/2013, do 9 de decembro, de avaliación ambiental (BOE núm. 296, do 11 de decembro), faise público o Informe de impacto ambiental, do 2 de marzo de 2020, do proxecto de modificación nas instalacións da planta de elaboración de fariñas e aceites de peixe, no concello de Redondela (Pontevedra), promovido por Auxiliar Conservera, S.A. (Aucosa).

Este informe poderase consultar na seguinte ligazón: https://cmatv.xunta.gal/resolucions-da-avaliacion-ambiental-de-proxectos e nas dependencias da Dirección Xeral de Calidade Ambiental e Cambio Climático, sitas en Santiago de Compostela (San Lázaro, s/n, planta baixa).

Santiago de Compostela, 3 de marzo de 2020

María Cruz Ferreira Costa
Directora xeral de Calidade Ambiental e Cambio Climático