A Deputación Provincial da Coruña, na sesión plenaria ordinaria que tivo lugar o día 20 de decembro de 2019, aprobou o seguinte:

«28. Aprobación da aceptación da delegación de competencias tributarias do Concello de Ortigueira (IVTM, recollida de lixo, entrada de vehículos e aproveitamentos especiais).

1. Aceptar a delegación das competencias en materia tributaria acordada polo Concello de Ortigueira na sesión plenaria que tivo lugar o 11 de setembro de 2019 en relación coas seguintes materias:

– Xestión, inspección e recadación tributaria voluntaria e executiva do imposto de vehículos de tracción mecánica.

– Recadación tributaria voluntaria e executiva da taxa pola recollida de residuos sólidos urbanos.

– Recadación tributaria voluntaria e executiva da taxa pola entrada de vehículos a través das beirarrúas e reservas de vía pública para aparcamento exclusivo, carga e descarga de mercadorías de calquera clase.

– Recadación tributaria voluntaria e executiva da taxa por outros aproveitamentos especiais con finalidade lucrativa (caixeiros e aparellos de venda automática pegados a fachadas de edificios ás vías públicas).

2. A delegación entrará en vigor unha vez sexa publicado este acordo no Boletín Oficial da provincia, e o seu exercicio levarase a cabo nos termos establecidos nas bases para a prestación de servizos tributarios aos concellos da provincia, aprobadas para o efecto por esta deputación provincial».

O que se fai público para xeral coñecemento.

A Coruña, 30 de decembro de 2019

Valentín González Formoso	José Almau Supervía
Presidente da Deputación Provincial da Coruña	Secretario Xeral da Deputación Provincial da Coruña