Intentada a notificación persoal das resolucións do procedemento sancionador por infraccións na orde social, ditadas pola xefa territorial da Consellería de Economía, Emprego e Industria de Lugo, e non sendo posible a súa práctica, por medio desta cédula, e de conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, efectúanse estas notificacións por medio de anuncio no Boletín Oficial del Estado (BOE) ás persoas interesadas que se sinalan no anexo, co contido sinalado no artigo 46 da mesma lei, e a súa eficacia queda supeditada á súa publicación no taboleiro de edictos único (TEU) do Boletín Oficial del Estado (BOE).

Sen prexuízo do anterior, e en virtude do disposto no artigo 44 da Lei 39/2015, do 1 de outubro, do procedemento administrativo común das administracións públicas, este anuncio publícase no Diario Oficial de Galicia.

Así mesmo, fáiselles saber que a dita resolución pon fin á vía administrativa e que contra ela cabe interpor recurso, ante os órganos xurisdicionais da orde social, logo de reclamación ante esta xefatura territorial, dentro do prazo dos trinta (30) días hábiles seguintes ao da publicación deste anuncio no Boletín Oficial del Estado (BOE), conforme o previsto no artigo 71 da Lei 36/2011, do 10 de outubro, reguladora da xurisdición social.

As persoas interesadas, durante este prazo, poderanse presentar ante a Xefatura Territorial de Lugo, situada na rolda da Muralla, nº 70, para os efectos de coñeceren integramente o contido da resolución ditada pola xefa territorial, das 9.00 ás 14.00 horas, de luns a venres.

Advírteselles as persoas interesadas que, se non interpoñen o recurso en tempo e forma, a resolución adquirirá firmeza.

Lugo, 30 de xaneiro de 2020

Pilar Fernández López
Xefa territorial de Lugo

ANEXO

Nº	Persoa interesada	Nº expediente	Acto que se notifica	Concello
1	George Cristian Palas	22/07/2019/2.1.E	Resolución de procedemento sancionador	Castro de Rei
2	Iriana Inés Lara Martínez	19/08/2019/2.1.E	Resolución de procedemento sancionador	Lugo
3	Liliana López Rodríguez	14/08/2019/2.1.E	Resolución de procedemento sancionador	Lugo
4	Nicoleta Oltean	18/09/2019/2.1.E	Resolución de procedemento sancionador	Ribadeo
5	Roberto Losada Barea	25/09/2019/2.1.E	Resolución de procedemento sancionador	Monforte de Lemos
6	Víctor Baena Gutiérrez	05/09/2019/2.1.E	Resolución de procedemento sancionador	Vilalba