O artigo 15 da Lei 1/2016, do 18 de xaneiro, de transparencia e bo goberno (Diario Oficial de Galicia núm. 30, do 15 de febreiro), impón a cada consellería ou entidade da Xunta de Galicia a obriga de remitir para a súa publicación no Diario Oficial de Galicia unha relación dos convenios subscritos referida ao cuadrimestre anterior.
En consecuencia, e para dar cumprimento a esta obriga,
DISPOÑO:
Artigo único. Darlle publicidade á relación dos convenios subscritos polo Instituto de Estudos do Territorio no terceiro cuadrimestre do ano 2019, que se incorpora como anexo a esta resolución.
Santiago de Compostela, 21 de xaneiro de 2020
Guillermo Evia Pérez
Director do Instituto de Estudos do Territorio
ANEXO
|
Convenio |
Obxecto do convenio |
Achega económica do IET |
Data de sinatura |
|
Addenda ao convenio de colaboración entre o organismo autónomo Instituto de Estudos do Territorio, o Concello de Cerdedo-Cotobade e a Federación Galega de Municipios e Provincias polo que se aproba o Pacto pola Paisaxe para a protección, xestión e ordenación da paisaxe nas áreas de especial interese paisaxístico Meandros do Lérez e Serra do Cando |
Modificar o contido da cláusula terceira do convenio, asinado o 8.1.2019, para facer un reaxuste de anualidades |
Sen achega económica |
10.10.2019 |
|
Protocolo xeral de actuación entre o organismo autónomo Instituto de Estudos do Territorio e o Concello de Porto do Son para a posta en valor da Guía de estudos da paisaxe urbana |
Definir o marco xeral de colaboración entre as dúas partes asinantes para valorizar e poñer en práctica, dun modo pioneiro nos pobos mariñeiros de Galicia, a Guía de estudos da paisaxe urbana, coa que se pretende dispoñer dunha metodoloxía adaptada á realidade urbana do concello que permita a elaboración dos estudos da paisaxe urbana no planeamento urbanístico xeral |
Sen achega económica |
14.10.2019 |
|
Addenda ao convenio de colaboración entre o Instituto de Estudos do Territorio, a Consellería de Economía, Emprego e Industria a través da Dirección Xeral de Enerxía e Minas, a Cámara Oficial Mineira de Galicia e a Universidade de Vigo a través da Escola de Enxeñaría de Minas e Enerxía para a elaboración dunha guía de boas prácticas para a integración paisaxística das actividades extractivas |
Prorrogar ata o 30.6.2020 o convenio, asinado o 16.11.2018 e, consecuentemente, modificar as cláusulas terceira, cuarta e o anexo II para facer un reaxuste nas datas de entrega dos traballos e na xustificación das entregas. |
Sen achega económica |
16.12.2019 |
