Con data do 15 de xaneiro de 2020, a Dirección Xeral de Mobilidade emitiu a resolución pola que, ao abeiro dos artigos 73.1 e 75.1 da Lei 2/2017, do 8 de febreiro, de medidas fiscais, administrativas e de ordenación, resolveu:

1. Acordar o establecemento dos servizos públicos de transporte regular de viaxeiros de uso xeral por estrada que se definen nos proxectos de explotación a que se fai referencia no anexo a este anuncio.

2. Aprobar o expediente de información pública dos proxectos de explotación a que se fai referencia no anexo a este anuncio.

3. Aprobar os proxectos de explotación a que se fai referencia no anexo a este anuncio e, como parte deles, os seus correspondentes estudos económico-financeiros, que serven como estudos de viabilidade das concesións de servizos públicos ás cales se refiren.

A documentación completa de todos os proxectos de explotación aos cales se refire este anuncio estará á disposición de todas as persoas interesadas no seguinte enderezo web da Consellería de Infraestruturas e Mobilidade:

https://infraestruturasemobilidade.xunta.gal/seccion-tema/c/CIV_Transporte_de_viaxeiros?content=Direccion_Xeral_Mobilidade/Transporte_publico_Galicia/seccion.html&std=Proxectos_explotacion_Xaneiro_2020.html

Contra esa resolución, que non esgota a vía administrativa, cabe interpoñer recurso de alzada, conforme o artigo 121 da Lei 39/2015, do 1 de outubro, do procedemento administrativo común das administracións públicas, no prazo dun mes contado desde o día seguinte ao da súa notificación ou publicación, ante o mesmo órgano que ditou o acto que se impugna ou ante a Consellería de Infraestruturas e Mobilidade.

O que se fai público para o seu coñecemento xeral.

Santiago de Compostela, 16 de xaneiro de 2020

Ignacio Maestro Saavedra
Director xeral de Mobilidade