O artigo 15 da Lei 1/2016, do 18 de xaneiro, de transparencia e bo goberno (DOG núm. 30, do 15 de febreiro), impón a cada consellería da Xunta de Galicia a obriga de publicar no Diario Oficial de Galicia unha relación dos convenios de colaboración subscritos no cuadrimestre anterior.
En consecuencia, e para dar cumprimento a esa obriga,
DISPOÑO:
Artigo único
Darlle publicidade á relación dos convenios subscritos pola Consellería do Mar, nos meses de setembro, outubro, novembro e decembro de 2019, así como tamén darlle publicidade a outro convenio subscrito no mes de agosto do mesmo ano, que se incorporan no anexo a esta resolución.
Santiago de Compostela, 13 de xaneiro de 2020
María Isabel Concheiro Rodríguez-Segade
Secretaria xeral técnica da Consellería do Mar
Convenios de colaboración subscritos pola Consellería do Mar
nos meses de setembro, outubro, novembro e decembro
do ano 2019 e no mes de agosto do mesmo ano
anexo
Descrición |
Importe |
Data |
Acordo de colaboración entre a Consellería do Mar e a Axencia para a Modernización Tecnolóxica de Galicia (Amtega), para o desenvolvemento e implantación dunha plataforma dixital para a rede de observadores do medio mariño galego (Redogal). |
60.000 € |
26.8.2019 |
Acordo de colaboración entre a Consellería do Mar e a Fundación Pública Artesanía de Galicia para o desenvolvemento de accións formativas ao colectivo de Redeiras Artesás no marco do seu proceso de diversificación profesional. |
35.300 € |
30.9.2019 |
Convenio de colaboración entre a Consellería do Mar e a Universidade de Santiago de Compostela, para a realización da acción de investigación: optimización da produción de semente de moluscos bivalvos: descrición de cambios anatómicos e estruturais durante o desenvolvemento larvario e metamorfose. Identificación e caracterización de receptores que determinan a competencia larvaria. |
36.650 € |
2.10.2019 |
Acordo de colaboración entre a Consellería do Mar e a Axencia para a Modernización Tecnolóxica de Galicia (Amtega) para o financiamento e a sustentabilidade do desenvolvemento evolutivo do proxecto de modernización tecnolóxica das lonxas. |
1.605.000 € |
16.10.2019 |
Addenda ao acordo de colaboración entre a Consellería do Mar e o Instituto Tecnolóxico para o Control do Medio Mariño (Intecmar) para a realización da acción de investigación: mellora analítica da detección de toxinas en moluscos bivalvos para maximizar o fluxo de traballo en sistemas de control (MADeTox). |
51.957 € |
7.11.2019 |
Addenda ao convenio de colaboración entre a Consellería do Mar e a Universidade de Santiago de Compostela, para a realización do proxecto Táboas input-output da pesca galega 2019. |
Sen custo económico |
5.12.2019 |
Acordo de colaboración entre a Consellería do Mar e a Asemblea da Comunidade Autónoma de Galicia da Cruz Vermella para colaborar en materia de salvamento marítimo e loita contra a contaminación. |
30.000 € |
29.10.2019 |
Acordo de colaboración entre a Consellería do Mar e a Asociación de Fabricantes de Conservas de Peixes e Mariscos (Anfaco-Cecopesca), para a promoción e mellora da comercialización das conservas de produtos pesqueiros no ano 2020. |
149.000 € |
20.12.2019 |
Convenio de colaboración entre a Consellería do Mar e o Consorcio de Bibliotecas Universitarias de Galicia, para a xestión conxunta de recursos electrónicos de información científica ao Centro de Investigacións Mariñas |
47.177,89 |
26.12.2019 |