DOG 14 do 22/01/2020 - ANUNCIO do 13 de xaneiro de 2020 polo que se dá publicidade á resolución da mesma data pola que se convoca concurso público para a contratación de persoal docente (CPD15).

VI. Anuncios

c) Outros anuncios

Centro Universitario da Defensa - Escola Naval Militar de Marín

ANUNCIO do 13 de xaneiro de 2020 polo que se dá publicidade á resolución da mesma data pola que se convoca concurso público para a contratación de persoal docente (CPD15).

A Dirección do Centro Universitario da Defensa (en diante, CUD) na Escola Naval Militar de Marín (en diante, ENM), no uso das súas competencias, recibida Resolución conxunta dos ministerios de Facenda e de Política Territorial e Función Pública, do 7 de xuño de 2019, pola que se autoriza a contratación de profesorado temporal, resolve anunciar a convocatoria de concurso público, polo procedemento de urxencia, para cubrir as necesidades docentes existentes mediante a contratación en réxime laboral de persoal docente, para as seguintes categorías:

Categoría de profesor	Número de prazas
Axudante doutor	4

Este concurso rexerase polo disposto na Lei orgánica 6/2001, do 21 de decembro, de universidades (LOU), modificada pola Lei orgánica 4/2007, do 12 de abril, así como polo Real decreto 898/1985, do 30 de abril, sobre réxime do profesorado universitario; a Lei 39/2015, do 1 de outubro, do procedemento administrativo común das administracións públicas (en diante, Lei 39/2015); a Lei 40/2015, do 1 de outubro, de réxime xurídico do sector público (en diante, Lei 40/2015), e pola normativa reguladora do procedemento para a provisión de prazas de persoal docente e investigador do CUD na ENM, aprobada na reunión do Padroado do 8 de marzo de 2010.

A información completa (bases da convocatoria, modelo de solicitude, etc.) pódese consultar no taboleiro de anuncios do Centro Universitario da Defensa na Escola Naval Militar (Praza de España, s/n, 36920, Marín, Pontevedra), así como na páxina web do Centro Universitario da Defensa (http://cud.uvigo.es – Persoal – Persoal docente e investigador (PDI) – Concursos de profesorado – Décimo quinto concurso de persoal docente contratado (código CPD15).

O prazo de presentación de solicitudes é de vinte días hábiles, contados a partir do día seguinte ao da publicación deste anuncio no Diario Oficial de Galicia, e débense dirixir ao director do Centro Universitario da Defensa no modelo oficial, obrigatoriamente acompañadas dos documentos acreditativos previstos na convocatoria.

Marín, 13 de xaneiro de 2020

José María Pousada Carballo
Director do Centro Universitario da Defensa
na Escola Naval Militar de Marín