De conformidade co disposto no artigo 8 da Lei 19/2013, do 9 de decembro, de transparencia, acceso á información pública e bo goberno, dáse publicidade á seguinte encomenda coas seguintes características:

Resolución do 10 de xaneiro de 2020, da Axencia Galega de Infraestruturas, pola que se encarga ao medio propio Xestión do Solo de Galicia-Xestur, S.A. a realización de traballos técnicos.

– Actividade: os traballos que se van realizar baixo a cobertura da encomenda consistirán no traballos de apoio técnico á Axencia Galega de Infraestruturas no desenvolvemento daquelas tarefas en que a experiencia acumulada por Xestur na execución de obras permita complementar o traballo do persoal da mencionada axencia.

– Natureza e alcance da xestión encomendada: encomenda de xestión a medios propios, ao ter a empresa Xestión do Solo de Galicia-Xestur, S.A. a consideración de medio propio e de servizo técnico da Administración xeral e do sector público autonómico de Galicia, ao abeiro do establecido nos artigos 10, 47 e seguintes da Lei 16/2010, do 17 de decembro, de organización e funcionamento da Administración xeral e do sector público autonómico de Galicia.

– Prazo de vixencia: doce (12) meses contados a partir do 1 de xaneiro de 2020, prorrogable por doce meses máis.

– Modalidade de financiamento: esta encomenda tramítase con cargo aos orzamentos da Axencia Galega de Infraestruturas para o ano 2020, aplicación orzamentaria 08.A1.512B.640.1.

– Orzamento: 57.592,35 €.

Santiago de Compostela, 10 de xaneiro de 2020

Francisco Menéndez Iglesias
Director da Axencia Galega de Infraestruturas