Intentada a notificación da comunicación do inicio do procedemento sancionador ditada polo xefe territorial da Consellería de Economía, Emprego e Industria de Ourense, pola que se acorda o inicio do expediente sancionador arriba referenciado, e non sendo posible a súa práctica, por medio desta cédula e segundo o disposto no artigo 44 da Lei 39/2015, do 1 de outubro, do procedemento administrativo común das administracións públicas, procédese a efectuar a notificación por medio de anuncio no Boletín Oficial del Estado (BOE), e a súa eficacia queda condicionada á publicación no taboleiro de edictos único (TEU) do Boletín Oficial del Estado (BOE).
Así mesmo, fáiselle saber que, segundo o disposto no punto 3 do artigo 37 bis do Regulamento xeral sobre procedementos para a imposición de sancións por infraccións na orde social e para os expedientes liquidatorios de cotas da Seguridade Social, aprobado polo Real decreto 928/1998, do 14 de maio, dispón de 15 días hábiles seguintes ao da publicación deste anuncio no Boletín Oficial del Estado (BOE) para formular, por escrito, as alegacións que considere oportunas, documentalmente acreditadas ante a oficina de emprego de Verín, sita na avenida de Castela, 30, baixo, de Verín, das 9.00 ás 14.00 horas, de luns a venres, así como para os efectos de coñecer integramente o contido da comunicación de inicio ditada polo xefe territorial.
Sen prexuízo do anterior, e en virtude do disposto no artigo 44 da Lei 39/2015, do 1 de outubro, este anuncio publícase no Diario Oficial de Galicia.
Advírteselle a persoa interesada que, se transcorrido o devandito prazo non achega alegación en tempo e forma, ditarase a correspondente resolución por parte da Xefatura Territorial de Ourense que dispón dun prazo de seis meses, desde a data deste acordo, para notificarlle a resolución pertinente.
Ourense, 3 de decembro de 2019
Santiago Álvarez González
Xefe territorial de Ourense
ANEXO
Expediente: 34630465D/30/11/2019/2.1.B.
Persoa interesada: 34630465.
Concello: Verín.
Precepto infrinxido: non devolver o xustificante de comparecer á oferta.
Contido da comunicación: comunicación por parte da Xefatura Territorial de Ourense da Consellería de Economía, Emprego e Industria do inicio do correspondente procedemento sancionador, coa proposta da perda dun mes ao dereito á prestación ou subsidio recoñecido.
