A empresa Europizarras, S.L. con domicilio social en lugar de Vilarchao-Lamas de Campos, s/n, Lugo, solicitou a declaración de urxente ocupación para a expropiación forzosa dos terreos situados no termo municipal da Fonsagrada que se relacionan no anexo e que son necesarios para continuar cos labores propios da concesión de explotación mineira Lamas Vilarchao fracción II nº 5358.2 e demasías. Esta solicitude faise ao abeiro do artigo 105 da Lei 22/1973, do 21 de xullo, de minas, e do artigo 52 da Lei de expropiación forzosa, do 16 de decembro de 1954.
De acordo cos artigos 18 e 19 da citada Lei de expropiación e nos artigos 17, 18, 24 e 56 do regulamento, do 26 de abril de 1957, en concordancia co establecido no artigo 83 da Lei 39/2015, do 1 de outubro, do procedemento administrativo común das administracións públicas, ábrese un período de información pública polo prazo de vinte días hábiles, contados a partir do día seguinte ao da última publicación desta resolución.
Durante este prazo, aquelas persoas ou entidades que se consideren afectadas poderán examinar o expediente nesta xefatura territorial (Edificio Administrativo da Xunta de Galicia, rolda da Muralla, nº 70, Lugo) e presentar alegacións que consideren convenientes ou achegar cantos datos permitan a rectificación de posibles erros cometidos na relación de propietarios e predios afectados.
Todas as alegacións deberán dirixirse a esta Xefatura Territorial da Consellería de Economía, Emprego e Industria de Lugo, no enderezo antes indicado ou a través de calquera das formas sinaladas no artigo 16 da citada Lei 39/2015, do 1 de outubro.
Lugo, 16 de decembro de 2019
Pilar Fernández López
Xefa territorial de Lugo
ANEXO
Relación de bens e dereitos afectados
Provincia: Lugo.
Termo municipal: A Fonsagrada.
|
Polígono catastro |
Parcela catastro |
Parcela partición fongate |
Superficie (m2) partición fongate/catastro |
Propietario, partición fongate/catastro |
Tipo de terreo |
|
118 |
378/391/ 362/384 |
60 |
18.484 |
Casa da Barreira José Pérez López e María Isabel López Fernández |
Arboredo, monte baixo e improdutivo |
|
118 |
215 |
1.461 |
Asunción García Rodríguez |
Prado e monte con arboredo |
|
|
118 |
384 |
284.544 |
Europizarras, S.A. (15 partes) Casa de Conde (1 parte) Belinda López Osorio Casa de Gómez (1 parte) José Javier Gómez López |
Matogueira con pés illados e alterado |
