O xerente da Área Sanitaria de Vigo, en virtude das competencias atribuídas polo Decreto 134/2019, do 10 de outubro (DOG núm. 204, do 25 de outubro), polo que se regulan as áreas sanitarias e os distritos sanitarios do Servizo Galego de Saúde, e da Orde do 5 de xullo de 2012 (DOG núm. 139, do 20 de xullo), sobre delegación de competencias en órganos centrais e periféricos do Servizo Galego de Saúde, resolve proceder ao anuncio da convocatoria, para vinculacións temporais, de cobertura de tres postos, con características específicas, de persoal estatutario licenciado especialista de área de pediatría e as súas áreas específicas.

A citada convocatoria estará exposta nos taboleiros de anuncios das oficinas da Dirección de Recursos Humanos da Área Sanitaria de Vigo e na páxina web do Servizo Galego de Saúde (www.sergas.es).

As solicitudes poderán presentarse nos rexistros da Xerencia da Área Sanitaria de Vigo no prazo de quince días hábiles contado desde o día seguinte ao da data de publicación do anuncio no Diario Oficial de Galicia.

Vigo, 12 de decembro de 2019

Julio García Comesaña
Xerente da Área Sanitaria de Vigo