Aprobada inicialmente a modificación das normas subsidiarias de planeamento do Concello de Corcubión: aliñacións e recuamentos nos núcleos rurais e solo urbano do Vilar, por acordo do pleno do 21 de novembro, de conformidade co artigo 60.6 da Lei 2/2016, do 10 de febreiro, do solo de Galicia, sométese a información pública polo prazo de dous meses contados a partir da última das publicacións no Diario Oficial de Galicia e nun dos xornais de maior difusión da provincia para que as persoas interesadas poidan examinar o expediente na Secretaría do concello e formular as alegacións que consideren pertinentes.
Quedan suspendidas as licenzas para as seguintes áreas: o ámbito de solo urbano do Vilar e os solos dos núcleos rurais de Quenxe, A Amarela, Redonda e A Oliveira. A duración da suspensión é dun ano.
Corcubión, 28 de novembro de 2019
Manuel Insua Insua
Alcalde