A Xunta de Goberno Local, na sesión que tivo lugar o 20 de novembro de 2019, acordou aprobar inicialmente o documento do Estudo de detalle para a ordenación de volumes edificatorios na parcela 34 da estrada Baños de Arteixo, presentado o 20 de marzo de 2019 por Showa Denko Carbón Spain, S.A.

En cumprimento do artigo 80.2 da Lei 2/2016, do 10 de febreiro, do solo de Galicia, e dos artigos 194.2 e 207 do seu regulamento, o expediente sométese a información pública polo prazo dun mes, contado desde o día seguinte ao da última das publicacións deste anuncio no Diario Oficial de Galicia, ou nun dos xornais de maior difusión na provincia, para que as persoas interesadas poidan consultalo e formular, de ser o caso, as alegacións que consideren oportunas.

A consulta da documentación do estudo de detalle poderase realizar no Departamento de Planeamento da Área de Urbanismo, Vivenda, Infraestruturas e Mobilidade (praza Indalecio Prieto, 1-3), en horario laboral de luns a venres, na sede electrónica do concello, no enderezo electrónico https://www.coruna.gal/urbanismo, na epígrafe Exposición pública de expedientes, ou no Visor estado desenvolvemento PXOM 2013.

A Coruña, 2 de decembro de 2019

A alcaldesa
P.D. (Decreto 3847/2019, do 27.6.2019)
María Hernández García
Directora da Área de Urbanismo