De conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, e dado que non foi posible practicar a notificación,

DISPOÑO:

1. Notificar mediante esta cédula a Julián de Castro Llobet o Acordo do 26 de setembro de 2019 mediante o que se resolve o recurso de reposición contra a fixación do prezo xusto do predio número 4, sito en Arteixo, relativo ao proxecto 01806 (expediente 2019/000031), cuxos datos se relacionan no anexo.

2. Contra esta resolución que esgota a vía administrativa, a persoa interesada poderá interpoñer recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses a contar desde o día seguinte ao da súa notificación ou publicación desta cédula no taboleiro de edictos único (TEU) do Boletín Oficial del Estado (BOE), de acordo co previsto nos artigos 123 e 124 da Lei 39/2015 e de conformidade cos artigos 10.1.i), 14.1 e 46 da Lei 29/1998, do 13 de xullo, reguladora da xurisdición contencioso-administrativa. O texto íntegro do acordo referido nesta cédula está á disposición do interesado nas dependencias do Xurado de Expropiación de Galicia, con enderezo na rúa Avelino Pousa Antelo, 1, 15781 Santiago de Compostela.

3. A eficacia desta notificación queda supeditada á súa publicación no TEU do BOE.

4. En consecuencia, para que conste e lles sirva de notificación ás persoas expropiadas, expido e asino esta cédula.

Santiago de Compostela, 21 de novembro de 2019

Patricia Ulloa Alonso
Presidenta do Xurado de Expropiación de Galicia

ANEXO

Proxecto para o cal se expropia: 01806 execución das obras ordinarias de urbanización e equipamento deportivo na UA-23. TM Arteixo.

Nº de expediente: 2019/000031.

Persoa que se vai notificar: Julián de Castro Llobet.

Expropiante: Concello de Arteixo.

Expropiado: Juan Manuel Ojea de Castro e outros.

Beneficiario: Concello de Arteixo.

Predio nº: 4.

Concello: Arteixo.

Provincia: A Coruña.

Valoración da resolución do Xurado: 78.081,45 €.