O pleno do Concello de Cangas, na súa sesión ordinaria do 25 de outubro de 2019, acordou aprobar inicialmente a modificación de normas subsidiarias municipais de Cangas dos terreos do cuarteirón conformado polas rúas da Torre, Paraíso, do Ensino e avenida da Coruña (PO-551), o que se fai público para xeral coñecemento.

O instrumento de planeamento e o expediente sométense a información pública durante o prazo de dous meses, mediante anuncio no Diario Oficial de Galicia e no xornal El Faro de Vigo, de conformidade co previsto no artigo 60.6 da Lei 2/2016, do solo de Galicia.

Durante o citado prazo, contado a partir do día seguinte ao da publicación deste anuncio no Diario Oficial de Galicia, poderanse formular as alegacións que se consideren pertinentes. Así mesmo, está á disposición dos interesado na sede electrónica (www.cangas.gal) ou mediante consulta nas oficinas do Departamento de Urbanismo, de luns a venres das 9.30 ás 13.30 horas.

Quedan suspendidas as licenzas naqueles ámbitos do territorio obxecto do plan cuxas novas determinacións supoñan a modificación da ordenación urbanística vixente.

A duración da suspensión é dun prazo máximo de dous anos, contado desde a aprobación inicial, extinguíndose, en calquera caso, coa aprobación definitiva do planeamento.

Cangas, 7 de novembro de 2019

Xosé Manuel Pazos Varela
Alcalde