De acordo co disposto no artigo 67 do Decreto 206/2005, do 22 de xullo (DOG núm. 145, do 29 de xullo), de provisión de prazas de persoal estatutario do Servizo Galego de Saúde, en virtude das competencias atribuídas polo Decreto 137/2019, do 10 de outubro (DOG núm. 208, do 31 de outubro), polo que se establece a estrutura orgánica do Servizo Galego de Saúde, e na Orde do 5 de xullo de 2012 (DOG núm. 139, do 20 de xullo) sobre delegación de competencias en órganos centrais e periféricos do Servizo Galego de Saúde, o Decreto 134/2019, do 10 de outubro (DOG núm. 204, do 25 de outubro), polo que se regulan as áreas sanitarias e os distritos sanitarios do Sistema público de saúde de Galicia, e mediante o procedemento de concurso de méritos ao cal se aplicará o baremo recollido no parágrafo 2.2 da Resolución do 11 de decembro de 2018 (DOG núm. 240, do 18 de decembro), da Dirección Xeral de Recursos Humanos, pola que se publica o pacto subscrito pola Administración sanitaria coas organizacións sindicais CIG, CESM-O´MEGA, CC.OO., UGT e CSIF sobre a selección de persoal estatutario temporal licenciado sanitario de atención hospitalaria, esta xerencia

DISPÓN:

Primeiro. Anunciar a convocatoria para cubrir, mediante vinculación temporal, por concurso de méritos, unha praza de facultativo/a especialista de área de cardioloxía e unha praza de facultativo/a especialista de área de obstetricia e xinecoloxía.

Segundo. As bases íntegras da convocatoria estarán expostas no taboleiro de anuncios do Complexo Hospitalario Universitario de Lugo (Oficina de Atención ao Traballador), no do Hospital Público da Mariña, no do Hospital Público de Monforte, na intranet da Área Sanitaria de Lugo, A Mariña e Monforte de Lemos, así como na páxina web do Servizo Galego de Saúde (www.sergas.es).

Terceiro. As solicitudes para participar na presente convocatoria, xunto coa documentación a que se refiren as bases, presentaranse preferentemente, dirixidas á Dirección do distrito sanitario da Mariña, no Rexistro de Entrada do Hospital Público da Mariña, sito na rúa Rafael Vior, s/n, 27780 Burela (Lugo), podendo presentarse tamén a través de calquera dos procedementos do artigo 16 da Lei 39/2015, do 1 de outubro, do procedemento administrativo común das administracións públicas, no prazo de quince (15) días hábiles contados a partir do día seguinte ao da publicación deste anuncio no Diario Oficial de Galicia.

Lugo, 19 de novembro de 2019

Ramón Ares Rico
Xerente da Área Sanitaria de Lugo, A Mariña
e Monforte de Lemos