A Secretaría Xeral Técnica da Consellería de Sanidade recibiu do Xulgado do Contencioso-Administrativo número 1 de Santiago de Compostela, un oficio polo que se admite a trámite o recurso contencioso-administrativo presentado polo Colexio Profesional de Hixienistas Dentais de Galicia fronte á resolución de inadmisión do recurso de alzada interposto contra un escrito con data do 11.6.2019 emitido por esta secretaría xeral técnica (P.O. 373/2019).
En consecuencia, esta secretaría xeral técnica acordou, de conformidade co disposto no artigo 49 da Lei 29/1998, do 13 de xullo, reguladora da xurisdición contencioso-administrativa, a remisión do correspondente expediente administrativo ao referido xulgado, o que se notifica para xeral coñecemento de todas as persoas interesadas no procedemento e son emprazadas para que poidan comparecer como parte nos autos no prazo de nove (9) días, contados desde o seguinte ao da publicación da presente resolución no Diario Oficial de Galicia.
Santiago de Compostela, 21 de novembro de 2019
Alberto Fuentes Losada
Secretario xeral técnico da Consellería de Sanidade