A Xefatura Territorial da Consellería de Economía, Emprego e Industria de Ourense dá a coñecer que, con data do 26 de xullo de 2019, a mercantil Euroinversiones Aguas de Sousas, S.L.U. solicitou a ampliación do recoñecemento da condición mineral natural da sondaxe S-1 (expediente Sousas II-nº 55), xa declarado, á sondaxe S-0, no termo municipal de Verín, na provincia de Ourense, coas seguintes coordenadas ETRS89: X=630.726, Y=4.644.128.
O que se fai público segundo o disposto no artigo 4 do Decreto 402/1996, do 31 de outubro, polo que se aproba o Regulamento de aproveitamento das augas mineromedicinais, termais e dos establecementos balnearios da Comunidade Autónoma de Galicia.
Ourense, 6 de novembro de 2019
Santiago Álvarez González
Xefe territorial de Ourense