O Pleno municipal, en sesión ordinaria que tivo lugar o 28 de outubro de 2019, acordou aprobar definitivamente o estudo de detalle promovido pola entidade mercantil Plásticos de Carballo, S.A. (Placasa), que ten como obxectivos a ordenación de volumes, o axuste das rasantes e a ordenación do solo non edificado no interior da parcela J12 do ámbito desenvolvido mediante o proxecto sectorial do parque empresarial de Carballo, e das parcelas C2, C3, C4, C7A e C7B do polígono industrial, desenvolvido mediante o Plan parcial aprobado pola Comisión Provincial de Urbanismo da Coruña o 3 de maio de 1983, segundo a documentación técnica presentada con data do 29 de maio de 2019, rexistro de entrada 201999900000812, redactada polos arquitectos Iria Pérez Miranda (colexiada 3194 COAG) e Ignacio Lázaro Quintela (colexiado 3877 COAG) e polo enxeñeiro industrial Manuel Breijo Cotelo (colexiado 5040 ICOIIG).
O documento aprobado poderá consultarse na páxina web do concello no seguinte enlace: http://carballo.org/media/documentos/07112019_estudo_detalle_placasa.pdf
Así mesmo, faise constar que foi remitido o documento do estudo de detalle, debidamente dilixenciado, en formato dixital, á Consellería de Medio Ambiente e Ordenación do Territorio, para os efectos da súa inscrición no Rexistro de Planeamento Urbanístico de Galicia, segundo o disposto no artigo 88 da Lei 2/2016, do solo de Galicia, e no artigo 212.2 do regulamento da citada lei.
Carballo, 8 de novembro de 2019
Evencio Ferrero Rodríguez
Alcalde