Mediante a Resolución do 1 de marzo de 2019 desta dirección xeral (Diario Oficial de Galicia núm. 47, do 7 de marzo), convocouse concurso-oposición para o ingreso na categoría de persoal de servizos xerais, polos sistemas de acceso libre, promoción interna e discapacidade xeral.
Mediante a Resolución do 16 de setembro de 2019 (Diario Oficial de Galicia núm. 183, do 26 de setembro) publicouse a relación provisional de aspirantes admitidos/as e excluídos/as, así como dos/das exentos/as e non exentos/as da realización do exercicio de lingua galega.
Na base sétima da resolución de convocatoria disponse que o tribunal cualificador do concurso-oposición será nomeado pola autoridade convocante cunha antelación mínima dun mes ao da data de realización das probas e que se publicará para este efecto a oportuna resolución no Diario Oficial de Galicia.
De conformidade coa dita base e finalizado o prazo de emenda previsto no número 6.2 desta mesma resolución, este centro directivo, como órgano convocante do proceso,
RESOLVE:
Primeiro. Declarar, con carácter definitivo, os/as aspirantes admitidos/as e excluídos/as, así como os/as exentos/as e non exentos/as da realización do exercicio de lingua galega no concurso-oposición para o ingreso na categoría de persoal de servizos xerais, polos sistemas de acceso libre, promoción interna e discapacidade xeral, convocado mediante a Resolución do 1 de marzo de 2019.
A lista coa relación definitiva de persoas aspirantes admitidas e excluídas, con indicación do motivo de exclusión, e as declaradas exentas e non exentas da realización do exercicio de lingua galega, poderanse examinar na páxina web do Servizo Galego de Saúde (www.sergas.es).
Ademais, o estado de cada solicitude pode ser consultado polo/a solicitante no seu expediente electrónico persoal en Fides/expedient-e/sección de procesos.
Segundo. Nomear os membros do tribunal, titulares e suplentes que xulgarán o proceso selectivo e que se relacionan no anexo desta resolución.
Terceiro. Declarar de aplicación a este proceso as normas de funcionamento e actuación dos tribunais e persoal colaborador negociadas e aprobadas na Mesa Sectorial de Sanidade do 20 de xullo de 2018, publicadas á disposición das persoas interesadas na páxina web do Servizo Galego de Saúde (www.sergas.es).
Cuarto. Contra esta resolución as persoas interesadas poderán interpoñer directamente recurso contencioso-administrativo, ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados desde o día seguinte ao da súa publicación no Diario Oficial de Galicia, de conformidade co disposto nos artigos 8.2 e 10.1 da Lei 29/1998, do 13 de xullo, reguladora da xurisdición contencioso-administrativa.
Potestativamente, e con carácter previo, poderán interpoñer recurso de reposición, ante a Dirección Xeral de Recursos Humanos do Servizo Galego de Saúde, no prazo dun mes contado desde a mesma data.
Santiago de Compostela, 13 de novembro de 2019
Margarita Prado Vaamonde
Directora xeral de Recursos Humanos
ANEXO
Persoal de servizos xerais (vías de acceso libre-promoción interna e discapacidade xeral) |
|||
Presidente/a titular |
Pereiro Iglesias, Juan Luis |
Persoal estatutario de xestión e servizos |
Persoal de servizos xerais |
Secretario/a titular |
Rodríguez Cabo, Esperanza |
Persoal estatutario de xestión e servizos |
Grupo técnico da función administrativa |
Vogal titular |
Blanco López, Mª Isabel |
Persoal estatutario de xestión e servizos |
Persoal de servizos xerais |
Vogal titular |
Martínez Castro, Francisco José |
Persoal funcionario subgrupo C1, escala de sistemas e tecnoloxías da información |
|
Vogal titular |
Arias Núñez, Sonia |
Persoal estatutario de xestión e servizos |
Persoal de servizos xerais |
Presidente/a suplente |
Cansino Docampo, Carlos |
Persoal estatutario de xestión e servizos |
Persoal de servizos xerais |
Secretario/a suplente |
García Souto, Jorge |
Persoal estatutario de xestión e servizos |
Grupo técnico da función administrativa |
Vogal suplente |
Cacheda Vilar, David |
Persoal estatutario de xestión e servizos |
Técnico/a especialista en sistemas e tecnoloxías da información |
Vogal suplente |
Couto Ruibal, Javier |
Persoal estatutario de xestión e servizos |
Persoal de servizos xerais |
Vogal suplente |
Sea Longarela, Carmen |
Persoal estatutario de xestión e servizos |
Persoal de servizos xerais |