No Boletín Oficial da provincia de Pontevedra núm. 205, do 24 de outubro de 2019, publicáronse integramente as bases que rexerán a convocatoria para a provisión definitiva dunha praza vacante de oficial encargado de obras e servizos, que figura no cadro de persoal do Concello do Porriño, como persoal laboral fixo, coa titulación de graduado en ESO, graduado escolar, FP I ou equivalente, incluída na oferta de emprego público de 2019, por promoción interna, mediante concurso.

O prazo de presentación de solicitudes será de vinte días naturais contados desde o día seguinte ao da publicación do anuncio da convocatoria no Boletín Oficial del Estado.

Os sucesivos anuncios deste proceso selectivo, cando procedan, realizaranse na forma prevista nas propias bases.

O Porriño, 29 de outubro de 2019

Eva García de la Torre
Alcaldesa