O 28 de outubro de 2019, a instrutora do servizo de Inspección Urbanística III da Axencia de Protección da Legalidade Urbanística formulou proposta de resolución no expediente sancionador e de reposición da legalidade número LUL/9/2017-RP1, pola realización de obras dentro da zona de servidume de protección do dominio público marítimo-terrestre consistentes na execución dunha edificación con tipoloxía de vivenda unifamiliar, de planta baixa e dúas plantas altas, situadas na rúa do Vicedo, número 41, no termo municipal de Foz, provincia Lugo.
Ao non poderse realizar a notificación persoal da proposta de resolución a Nadia Sohaei Moreda Pérez, mediante este anuncio e ao abeiro do disposto no artigo 44 da Lei 39/2015, do 1 de outubro, do procedemento administrativo común das administracións públicas, notifícaselle á interesada a dita proposta de resolución.
Tendo en conta que, en atención ao previsto no artigo 46 da Lei 39/2015, do procedemento administrativo común das administracións públicas, o acto non se publica na súa integridade, fáiselle saber á interesada que o texto íntegro da proposta de resolución que se lles notifica está ao seu dispor nas dependencias da Axencia de Protección da Legalidade Urbanística, sita no Edificio Witland, 1º andar, Salgueiriños, Santiago de Compostela, para a súa consulta no prazo de 10 días hábiles, que se contarán desde o día seguinte ao da publicación deste anuncio no Boletín Oficial del Estado. Transcorrido o dito prazo, a notificación entenderase producida.
A interesada disporá dun prazo de 15 días hábiles, contados a partir do día seguinte a aquel en que se producise a notificación deste anuncio, para alegar e presentar os documentos e informacións que considere pertinentes.
Para que conste e lle sirva de notificación á citada interesada, en cumprimento do disposto no artigo 44 da Lei 39/2015, do procedemento administrativo común das administracións públicas, expido e asino este anuncio.
Santiago de Compostela, 11 de novembro de 2019
José Antonio Cerdeira Pérez
Director da Axencia de Protección da Legalidade Urbanística
