O artigo 26 do Real decreto lexislativo 1/2016, do 16 de decembro, polo que se aproba o texto refundido da Lei de prevención e control integrados da contaminación (Boletín Oficial del Estado núm. 316, do 31 de decembro), regula a revisión das autorizacións ambientais integradas.
Os artigos 15 e 16 do Real decreto 815/2013, do 18 de outubro, polo que se aproba o Regulamento de emisións industriais e de desenvolvemento da Lei 16/2002, do 1 de xullo, de prevención e control integrados da contaminación (Boletín Oficial del Estado núm. 251, do 19 de outubro), regulan o procedemento de revisión das autorizacións ambientais integradas.
Para os efectos previstos no artigo 15.5.a) do Real decreto 815/2013, sométese a información pública, durante un período de vinte (20) días hábiles contados a partir do día seguinte ao da publicación deste anuncio no Diario Oficial de Galicia, o documento titulado:
– Informe xustificativo sobre a adaptación da central térmica de ciclo combinado As Pontes de García Rodríguez as conclusións sobre as mellores técnicas dispoñibles aplicables a grandes instalacións de combustión xaneiro 2019, para que calquera interesado poida consultalo e, de ser o caso, presentar dentro do citado prazo as alegacións, suxestións ou observacións que xulgue convenientes.
O documento estará á disposición dos administrados nas dependencias da Dirección Xeral de Calidade Ambiental e Cambio Climático, Servizo de Prevención e Control Integrados da Contaminación, en horario de atención ao público (rúa San Lázaro, s/n, Santiago de Compostela). Ademais, tamén se poderá consultar na páxina web da Consellería de Medio Ambiente, Territorio e Vivenda (http://cmatv.xunta.gal/>>medio ambiente e sostibilidade>>prevención e control de actividades>>autorización ambiental integrada >>proxectos en información pública).
Santiago de Compostela, 27 de setembro de 2019
María Cruz Ferreira Costa
Directora xeral de Calidade Ambiental e Cambio Climático
ANEXO
Expediente: 2018-IPPC-M-64.
Número da autorización ambiental integrada: 2003/0331_AIA/IPPC_006.
Categoría principal da actividade: anexo I, grupo 1.1.a.
Titular: Endesa Generación, S.A.
CIF: A-82434697.
Enderezo da titular: avenida de la Borbolla, 5, 41004 Sevilla.
Enderezo da instalación: Vilavella, s/n, 15328 As Pontes de García Rodríguez (A Coruña).
Actividade principal: a central térmica de ciclo combinado das Pontes de García Rodríguez dedícase exclusivamente á xeración de enerxía eléctrica mediante a combustión de gas natural e utilizando a tecnoloxía de ciclo combinado, cunha potencia bruta instalada de 870,43 MWe e unha potencia térmica nominal total superior aos 50 MWt.
A tecnoloxía da central combina dous ciclos termodinámicos típicos da produción de enerxía: Rankine das turbinas de vapor e Brayton das turbinas de gas. A instalación consiste nun grupo xerador de configuración 2×1, isto é, está composto por dúas turbinas de gas, dúas caldeiras de recuperación de calor e unha turbina de vapor. Aínda que o combustible empregado é o gas natural, a instalación está tamén deseñada para consumir gasóleo como combustible líquido de emerxencia, no caso de fallo da subminsitración de gas natural.
Verteduras: as augas residuais industriais, sanitarias e de escorremento xeradas son enviadas a unha balsa de tormentas e, posteriormente, conducidas á planta de tratamento de efluentes líquidos da central térmica das Pontes de García Rodríguez para o seu tratamento.