Mediante esta cédula, e de conformidade co disposto nos artigos 44 e 46 da Lei 39/2015, do 1 de outubro, do procedemento administrativo común das administracións públicas (BOE nº 236, do 2 de outubro), notifícaselle a Emilio José Pereiro Núñez, con enderezo na rúa Progreso, nº 43, de Melide (A Coruña), a resolución da Dirección da Axencia Turismo de Galicia do recurso de reposición interposto contra a resolución do procedemento sancionador en materia de turismo pola comisión de dúas infraccións administrativas graves tipificadas na Lei 7/2011, do 27 de outubro, do turismo de Galicia (DOG nº 216, do 11 de novembro), e que intentada polos medios habituais non se puido efectuar.
O interesado poderá examinar o seu expediente e recoller a resolución mediante comparecencia nas dependencias da Axencia Turismo de Galicia, situada na estrada de Santiago de Compostela-Noia km 3, A Barcia, de Santiago de Compostela (A Coruña).
Contra a dita resolución, que pon fin á vía administrativa, o interesado poderá interpoñer recurso contencioso-administrativo no prazo de dous (2) meses contados desde o día seguinte ao desta publicación, de conformidade co establecido nos artigos 8.2.b), 14.1 segunda, e 46 da Lei 29/1998, do 13 de xullo, reguladora da xurisdición contencioso-administrativa.
Expediente: TUSAN1 2018/102-1.
Preceptos infrinxidos: artigos 110.1 e 110.3 da Lei 7/2011, do 27 de outubro.
Resolución do recurso de reposición: desestimado.
Data da resolución: 9 de xullo de 2019.
Sanción de multa: 4.800 euros.
Comunícaselle que as resolucións dos recursos de reposición poñen fin á vía administrativa e son, por tanto, executivas, polo que deberá aboar o importe da multa nos seguintes prazos: a) publicación entre os días 1 e 15 de cada mes, desde a data da publicación ata o día 20 do mes posterior, ou ata o día inmediato hábil seguinte; b) publicación entre os días 16 e último de cada mes, desde a data da publicación ata o día 5 do segundo mes posterior, ou ata o día inmediato hábil seguinte.
O aboamento realizarase mediante os impresos formalizados que lle serán facilitados nas dependencias desta axencia de turismo. De non efectuarse o ingreso no período voluntario, procederase á exacción da débeda pola vía de constrinximento.
Santiago de Compostela, 17 de outubro de 2019
José Luis Maestro Castiñeiras
Director de Competitividade