De conformidade co disposto nos artigos 42, 43, 44 e 46 da Lei 39/2015, do 1 de outubro, do procedemento administrativo común das administracións públicas, intentada a notificación, por medios electrónicos e postais, da resolución ditada pola directora da Axencia Turismo de Galicia, sen que esta se puidese realizar, notifícase a resolución á persoa citada no anexo e emprázase para que no prazo de dez (10) días, contados a partir do día seguinte á data de publicación deste anuncio no Boletín Oficial del Estado, compareza persoalmente ou mediante persoa debidamente acreditada na Área Provincial de Turismo da Coruña da Consellería de Cultura e Turismo (rúa Vicente Ferrer, 2, 2º, A Coruña), das 9.00 ás 14.00 horas, para coñecer o contido íntegro da resolución. Advírteselle que, de non comparecer, se dará por notificada.

Contra esta resolución, poderá interpor recurso potestativo de reposición ante a Axencia Turismo de Galicia no prazo dun mes contado a partir do día seguinte ao da súa notificación, ou ben, directamente, recurso contencioso-administrativo ante o Xulgado do Contencioso-Administrativo de Santiago de Compostela, no prazo de dous meses contados desde o día seguinte ao da súa notificación, conforme o disposto nos artigos 8, 14 e 46 da Lei 29/1998, do 13 de xullo, reguladora da xurisdición contencioso-administrativa.

A Coruña, 16 de outubro de 2019

Mª del Camino Triguero Salas
Xefa da Área Provincial da Coruña

ANEXO

Establecemento: vivenda de uso turístico.

Solicitante: Javier de Dios Ferreira.

Concello: Ribeira.