En cumprimento do disposto no artigo 8 da Lei 19/2013, do 9 de decembro, de transparencia, acceso á información pública e bo goberno, cómpre dar publicidade da formalización da encarga realizada cunha empresa pública na súa condición de medio propio e instrumental e de servizo técnico da Administración xeral da Comunidade Autónoma de Galicia, expediente tramitado ao abeiro do establecido nos artigos 8, 10 e 13 da Lei 14/2013, do 26 de decembro, de racionalización do sector público autonómico, en relación cos artigos 10, 47 e seguintes da Lei 16/2010, do 17 de decembro, de organización e funcionamento da Administración xeral e do sector público autonómico de Galicia e nos artigos 31 e 32 da Lei 9/2017, do 8 de novembro, de contratos do sector público e demais normativa que resulta de aplicación:
1. Datos xerais.
Entidade que confire a encarga: Augas de Galicia, entidade pública adscrita á Consellería de Infraestruturas e Mobilidade da Xunta de Galicia.
Actividade principal da entidade: infraestruturas e servizos hidráulicos.
Enderezo da internet: https://augasdegalicia.xunta.gal/.
Perfil de contratante: https://www.contratosdegalicia.gal/consultaOrganismo.jsp?N=216.
Tamén se terá acceso ao perfil de contratante desde a Plataforma de contratos públicos de Galicia https://www.contratosdegalicia.gal, accesible así mesmo no Portal web institucional da Xunta de Galicia https://www.xunta.gal e na sede electrónica da Xunta de Galicia https://sede.xunta.gal, o Portal de transparencia de Galicia https://transparencia.xunta.gal, a Plataforma de Contratación do Sector Público https://contrataciondelestado.es por medio de enlaces de interese ás plataformas de contratación das comunidades autónomas e a páxina web https://augasdegalicia.xunta.gal/
Tipo de tramitación do expediente: encarga a medio propio e instrumental e servizo técnico da Administración xeral da Comunidade Autónoma de Galicia.
2. Encarga.
Título e obxecto: servizo de actuacións de mantemento e xestión da biomasa no dominio público do encoro da Baxe en Caldas de Reis, Moraña e Cuntis (Pontevedra).
Clave do expediente: OH.736.1182.
Código CPV (referencia de nomenclatura): códigos CPV principais 77312000-0 (Servizos de roza), 77312100-1 (Servizos de eliminación de maleza), 77341000-2 (Podadura de árbores) e 77211400-6 (Servizos de corta de árbores) e CPV adicional 71311100-2 (Servizos de asistencia en enxeñaría civil).
Empresa destinataria do encargo: Empresa Pública de Servizos Agrarios Galegos, S.A. (Seaga).
Data da autorización previa da Consellería do Medio Rural: 25 de setembro de 2019.
Data de aprobación: 7 de outubro de 2019.
Data de formalización: 9 de outubro de 2019.
Orzamento: 100.283,30 euros (actuación non suxeita a IVE).
Importe total previsto do gasto: 100.283,30 euros. Inclúe o orzamento inicial da encarga.
Prazo de execución: 2,5 meses, sen previsión de prórrogas con incremento do gasto e sen prexuízo da/s ampliación/s do prazo de execución da prestación obxecto da encarga que foran necesarias sen incremento do gasto.
Data de publicación da formalización documental no perfil de contratante: 9 de outubro de 2019.
Santiago de Compostela, 11 de outubro de 2019
A presidenta de Augas de Galicia
P.D. (Resolución do 30.1.2012, DOG núm. 21, do 31 de xaneiro)
Teresa María Gutiérrez López
Directora de Augas de Galicia
