De conformidade co artigo 8 da Lei 19/2013, do 9 de decembro, de transparencia, acceso á información pública e bo goberno, dáse publicidade á encomenda coas seguintes características:
– Resolución do 1 de outubro de 2019, da Consellería do Mar, pola que se encarga ao medio propio Fundación Centro Tecnolóxico do Mar (Cetmar) a realización polo sistema de «administración» das accións para dar apoio técnico para o desenvolvemento dunha orde de axudas para recolla de residuos, elaboración da documentación asociada e para a avaliación das solicitudes.
– Actividade: realización das actuacións relativas á execución polo Centro Tecnolóxico do Mar-Fundación Cetmar das accións necesarias para dar o apoio técnico necesario para desenvolvemento dunha orde de axudas para a recolla de residuos, a elaboración da documentación asociada e para a avaliación das solicitudes de acordo coas condicións establecidas no prego de condicións aprobado para o efecto.
– Natureza e alcance da xestión encomendada: encomenda de xestión a medios propios ao ter a Fundación Centro Tecnolóxico do Mar (Cetmar) a consideración de medio propio instrumental e de servizo técnico da Administración xeral da Comunidade Autónoma de Galicia, en cumprimento do establecido nos artigos 10 e 47 e seguintes da Lei 16/2010, do 17 de decembro, de organización e funcionamento da Administración xeral e do sector público autonómico de Galicia.
– Prazo de vixencia: desde o 2 de outubro de 2019 ata o 31 de decembro de 2020.
– Financiamento: con cargo aos orzamentos da Comunidade Autónoma de Galicia para os anos 2019 e 2020, na aplicación orzamentaria 15.02.723A.640.1, código do proxecto 2016 00287.
Santiago de Compostela, 10 de outubro de 2019
Mª Isabel Concheiro Rodríguez-Segade
Secretaria xeral técnica da Consellería do Mar