O artigo 15 da Lei 1/2016, do 18 de xaneiro, de transparencia e bo goberno (DOG nº 30, do 15 de febreiro) impón a cada consellería da Xunta de Galicia a obriga de publicar no Diario Oficial de Galicia unha relación dos convenios subscritos no cuadrimestre anterior.
En consecuencia, e para dar cumprimento a esa obriga,
DISPOÑO:
Artigo único
Darlle publicidade á relación dos convenios subscritos pola Consellería do Mar, nos meses de maio, xuño, xullo e agosto de 2019, que se incorpora no anexo a esta resolución.
Santiago de Compostela, 9 de outubro de 2019
María Isabel Concheiro Rodríguez-Segade
Secretaria xeral técnica da Consellería do Mar
ANEXO
Convenios de colaboración subscritos pola Consellería do Mar nos meses
de maio, xuño, xullo e agosto do ano 2019
|
Descrición |
Importe |
Data |
|
Convenio de colaboración entre a Consellería do Mar e a Federación Galega de Redeiras Artesás O Peirao coa finalidade de financiar os investimentos realizados pola devandita federación, para levar a cabo unha acción formativa dirixida ás súas asociadas, co obxecto de que adquiran coñecementos dixitais. |
3.000 € |
20.5.2019 |
|
Acordo de colaboración entre a Consellería do Mar e a Axencia para a Modernización Tecnolóxica de Galicia (Amtega) para o financiamento de sistemas de información vinculados á xestión pesqueira para a promoción, mellora da comercialización e da rastrexabilidade dos produtos pesqueiros. |
1.700.000 € |
22.5.2019 |
|
Convenio de colaboración entre a Consellería do Mar e a Cooperativa de Armadores del Puerto de Vigo, Sociedade Cooperativa Galega, para a organización da VI Conferencia internacional ARVI sobre o futuro da pesca e o Festival ARVI do peixe, Vigo Seafest 2019. |
135.122,89 € |
4.6.2019 |
|
Convenio de colaboración entre a Consellería do Mar e a Federación Provincial de Confrarías de Pescadores da Coruña co fin de financiar os investimentos que leve a cabo a institución sen ánimo de lucro, para acadar a mellora da competitividade. |
15.000 € |
4.6.2019 |
|
Convenio de colaboración entre a Consellería do Mar e a Federación Provincial de Confrarías de Pescadores de Pontevedra co fin de financiar os investimentos que leve a cabo a institución sen ánimo de lucro, para acadar a mellora da competitividade. |
15.000 € |
5.6.2019 |
|
Convenio de colaboración entre a Consellería do Mar e a Federación Galega de Confrarías de Pescadores co fin de financiar os investimentos que leve a cabo a institución sen ánimo de lucro, para acadar a mellora da competitividade. |
27.000 € |
5.6.2019 |
|
Acordo de colaboración entre a Consellería do Mar e a Universidade de Vigo para o intercambio de información para investigación sobre a pesca artesanal en Galicia. |
Sen custo económico |
10.6.2019 |
|
Convenio de colaboración entre a Consellería do Mar e a Federación Galega pola Cultura Marítima e Fluvial, mediante o que se canaliza unha subvención de concesión directa para a realización de actividades de dinamización das embarcacións tradicionais e o XIV encontro de embarcacións tradicionais de Galicia durante o ano 2019. |
46.576 € |
26.6.2019 |
|
Convenio de colaboración entre a Universidade de Santiago de Compostela e a Consellería do Mar para o desenvolvemento do proxecto de investigación Poboacións microbianas e control de patóxenos en criadeiro de bivalvos. Cara ao criadeiro do futuro. |
Sen custo económico |
1.7.2019 |
|
Convenio de colaboración entre a Consellería do Mar e a Universidade de Santiago de Compostela para a realización da acción de investigación Criadeiros de bivalvos: análise integrada de datos de cultivo (biolóxicos-microbiolóxicos) e busca de indicadores prácticos (éxito-fracaso). |
78.408 € |
1.7.2019 |
|
Convenio de colaboración entre a Consellería do Mar e a Asociación Empresarial Galega de Carpintería de Ribeira, mediante o que se canaliza unha subvención de concesión directa para a realización de actividades de dinamización e fomento da carpintería de Ribeira durante o ano 2019. |
28.000 € |
3.7.2019 |
|
Convenio de colaboración entre a Consellería do Mar e a Universidade de Santiago de Compostela para a realización do proxecto Táboas Input-Output da pesca galega 2019. |
153.000 € |
16.7.2019 |
|
Acordo de colaboración entre a Vicepresidencia e Consellería de Presidencia, Administracións Públicas e Xustiza e a Consellería do Mar para reforzar o persoal de Gardacostas na loita contra o furtivismo na Comunidade Autónoma de Galicia. |
60.000 € |
18.7.2019 |
