O Pleno da Corporación Municipal, na sesión extraordinaria do 10 de xullo de 2019, acordou aprobar inicialmente a modificación puntual do Plan parcial do sector SAUI-5 do polígono de Piadela, Betanzos, segundo o proxecto elaborado, con data de maio de 2018, polo enxeñeiro de camiños Antonio J. Durán Maciñeira (ICCP nº 15315) e a arquitecta María C. Laborda Alberto (COAG nº 3903), proposto por Bienes Inmuebles Corporativos del Atlántico 2008, S.L.U. e Tojeiro Transportes, S.A.

De conformidade co disposto no artigo 75.1 da Lei 2/2016, do 10 de febreiro, do solo de Galicia, expóñense ao público polo prazo de dous meses contados desde o día seguinte ao da inserción deste anuncio no Diario Oficial de Galicia, para que durante este poida ser examinado polos interesados, nas dependencias da Secretaria municipal deste concello, e para presentar, se é o caso, as alegacións e reclamacións que consideren pertinentes.

Betanzos, 18 de setembro de 2019

María Barral Varela
Alcaldesa